މިވަގުތު އެންމެ ރަނގަޅު ގޮތަކީ އެމްޑީޕީއާއި ޑިމޮކްރެޓްސް ގުޅުން: ނަޝީދު

ދިވެހިރާއްޖެއަށާއި އެމްޑީޕީއަށް މި ވަގުތު އެންމެ ރަނގަޅު ގޮތަކީ އެ ޕާޓީއާ ޑިމޮކްރެޓްސް ގުޅުންކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ މިއަދު އެކްސްގައި ކުރެއްވި ޕޯސްޓެއްގައެވެ.

"އަޅުގަނޑަށް ފެންނަ ގޮތުގައި މި ވަގުތު ރާއްޖެއަށާއި އެމްޑީޕީއަށް އަދި ޑިމޮކްރެޓްސްއަށް ވެސް އެންމެ ރަނގަޅު ގޮތަކީ އެމްޑީޕީ އާއި ޑިމޮކްރެޓްސް ގުޅުން،" ނަޝީދުގެ ޕޯސްޓުގައި ވިދާޅުވިއެވެ.

Alhugandah fenna gothugai mi vaguthu Raajje ashaai, MDP ah, adhi Democrats ahves enme rangalhu gothakee MDP aai Democrats gulhun.

— Mohamed Nasheed (@MohamedNasheed) April 5, 2025

ރައީސް ނަޝީދު މިހެން ވިދާޅުވެފައިވާއިރު ޑިމޮކްޓެސްގެ ބައެއް އިސް ބޭފުޅުން ވަނީ އެ ޕާޓީން ވަކިވެ އެމްޑީޕީއަށް ބަދަލުވެފައެވެ.

މީގެއިތުރުން އެމްޑީޕީގެ ރިޔާސީ ޕްރައިމަރީގައި ކުރީގެ ރައީސް އިބްރާހިމް މުހައްމަދު ޞާލިހް ވެސް ވާދަކުރައްވަފާނެ ކަމުގެ އަޑު ވެސް މިދުވަސްވަރު ވަނީ ވަރަށް ބޮޑަށް ފެތުރިފައެވެ.