ސްޓެލްކޯ ކައިރި ހުންނަ އެފްއެސްއެމް ޝެޑުގެ ޚިދުމަތްތަކަށް ވަގުތީ ބަދަލެއް
އެސްއެފްއެމް އިން ކުރި ޕޯސްޓެއްގައި ބުނީ އަންނަ މަހުގެ ދެ ވަނަ ދުވަހުގެ ނިޔަލަށް އެ ކުންފުނީގެ އީޒީފިލް 1 އިން ހެނދުނު 10:00 އިން ފެށިގެން މެންދަމު 01:00 އާއި ހަމައަށް ޚިދުމަތް ފޯރުކޮށްދޭނީ ހަމައެކަނި ހަތަރު ފުރޮޅުލީ އުޅަނދުތަކަށް ކަމަށެވެ.
އެ ކުންފުނިން ބުނީ މި ބަދަލުތައް ގެނައުމަށް ނިންމާފައިވަނީ އެ ޝެޑުގައި މުހިންމު މަސައްކަތްތަކެއް ކުރުމަށް ކަމަށެވެ. ނަމަވެސް މެންދަމު 01:00 އިން ފެށިގެން ހެނދުނު 10:00 އާ ހަމައަށް ހަތަރު ފުރޮޅުލީ އުޅަނދުގެ އިތުރުން ސައިކަލްތަކަށްވެސް ޚިދުމަތް ދެމުންދާނެ ކަމަށް އިއުލާނުގައި ވެއެވެ.
އެ ޝެޑުގެ ޚިދުމަތްތަކަށް މިފަދައިން ބަދަލު ގެނައި ނަމަވެސް މާލޭގައި ހުންނަ އެފްއެސްއެމްގެ އެހެން ޝެޑުތަކުން ދަންވަރު 01:00 އާ ހަމައަށް ސައިކަލްތަކަށްވެސް ޚިދުމަތް ފޯރުކޮށްދޭނެއެވެ.
މީގެއިތުރުން، އައިޖީއެމްއެޗް ކައިރީގައި އާއި، އިންޑަސްޓްރިއަލް ވިލެޖުގައާއި، ކާނިވާ ސަރަޙައްދުގެ ޝެޑުތަކުން ޚިދުމަތް ލިބިގެންދާނެ ކަމަށް އެ ކުންފުނިން ބުނެއެވެ.
