އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ އުފައްދައި ޗެއާއަކަށް ޖިހާދު

'މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީ' އުފައްދައި އެތަނުގެ ޗެއާޕާސަންގެ މަގާމަށް ކުރީގެ ނައިބު ރައީސް އަބްދުﷲ ޖިހާދު ހަމަޖައްސައިފި އެވެ.

ރާއްޖޭގައި އިންޓަނޭޝަނަލް ފައިނޭޝަލް ސެންޓަރުތައް ގާއިމުކުރުމަށް، މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީއެއް އުފައްދަން ސަރުކާރުން ނިންމާފައިވާކަން ރައީސް ޑރ. މުހައްމަދު މުއިއްޒު އިއުލާން ކުރެއްވީ މިދިޔަ ޖެނުއަރީ މަހު އެވެ.

އެގޮތުން، އެ އޮތޯރިޓީ އުފައްދައި ޗެއާއަކަށް ޖިހާދު އައްޔަންކުރެއްވިކަން ހާމަކުރައްވައި އިކޮނޮމިކް މިނިސްޓަރު މުހައްމަދު ސައީދު ރޭ އެކްސްގައި ކުރެއްވި ޕޯސްޓެއްގައި ވިދާޅުވީ، އެ އިދާރާއާއެކު ރާއްޖޭގެ މާލީ ދާއިރާ ބަދަލުކޮށްލެއްވުމަށް ރައީސް ގެންގުޅުއްވާ ތަސައްވުރު ހަގީގަތަކަށް ވެގެންދާނެ ކަމަށެވެ.

Pres Dr @MMuizzu has formed the GB of Maldives International Financial Services Authority & appointed Hon Jihad as the Chairperson. I congratulate Hon Jihad on his appointment. Confident that the collective efforts will fulfill Pres Muizzu’s vision to transform financial sector. pic.twitter.com/WEAUcH4cag

— Mohamed Saeed (@em_saeed) April 30, 2024

މޯލްޑިވްސް އިންޓަނޭޝަނަލް ފައިނޭންޝަލް ސާވިސަސް އޮތޯރިޓީއެއް އުފައްދަން ނިންމަވާފައިވާކަން އިއުލާންކުރައްވަމުން މިދިޔަ ޖެނުއަރީ މަހު ރައީސް ޑރ. މުއިއްޒު ވިދާޅުވި ގޮތުގައި، އެތަން ވެގެންދާނީ އިންޓަނޭޝަނަލް ފައިނޭންޝަލް ސެންޓަރުތައް ރާއްޖޭގައި ގާއިމުކުރުމުގެ މަގު ފަހިކުރުމުގެ ފުރަތަމަ ފިޔަވަޅަށެވެ.

އަދި އިންޓަނޭޝަނަލް ފައިނޭންޝަލް ސެންޓަރުތައް ރާއްޖޭގައި ގާއިމުކުރުމަށް އެކަމަށް ހާއްސަ ގާނޫނެއް ފާސްކުރާނެ ކަމަށްވެސް ރައީސް ވިދާޅުވެފައިވެ އެވެ.