މޯލްޑިވިއަނުން ކޮލަމްބޯއަށް ސީދާ ދަތުރުތައް ފަށައިފި

ގައުމީ އެއާލައިން، މޯލްޑިވިއަނުން އަވައްޓެރި ސްރީ ލަންކާގެ ވެރިރަށް ކޮލަމްބޯއަށް ސީދާ ދަތުރުތައް ފަށައިފި އެވެ. އެ ދަތުރުތައް ފެށީ ރޭގަ އެވެ.

މޯލްޑިވިއަނުން ކޮލަމްބޯއަށް ސީދާ ދަތުރުތައް ބާއްވަން ނިންމާފައިވަނީ ކޮންމެ ހަފްތާއެއްގެ ބުރާސްފަތި އަދި ހޮނިހިރު ދުވަހު އެވެ. އެ ދަތުރުތަކުގައި ބޭނުން ކުރާނީ އޭ320 މަތިންދާ ބޯޓެވެ.

ކޮލަމްބޯއާ މާލެއާ ދެމެދުގެ ޓިކެޓުގެ އެންމެ ދަށް އަގަކީ ދެކޮޅަށް 165 ރުފިޔާ އެވެ. އެ ރޭޓުގެ ފްލައިޓުތަކުން 30 ކިލޯގެ ބެގޭޖް އެލޯވެންސް އަދި މީލް ލިބޭނެ ކަމަށް މޯލްޑިވިއަނުން ބުނެ އެވެ.

Excited to announce the commencement of direct flights between MLE and CMB, making Colombo more accessible. Extending heartfelt thanks to Chief Guest Minister of Transport and Civil Aviation, Honourable Mohamed Ameen and all stakeholders. pic.twitter.com/qu4XZz3cA2

— MaldivianAero (@MaldivianAero) April 25, 2024

އޭގެ އިތުރުން، މޯލްޑިވިއަންގައި ލަންކާއަށް ދަތުރުކުރާ ފަސިންޖަރުންނަށް ކޮލަމްބޯގެ ނަވަލޯކާ ހޮސްޕިޓަލުން ކޮމްޕްލިމެންޓްރީ ބެނެފިޓްސް ލިބޭނެ ކަމަށް އެ އެއާލައިނުން ބުނެ އެވެ. އޭގެ ތެރޭގައި، ހިލޭ މެޑިކަލް ކޮންސަލްޓޭޝަނާއި މެޑިކަލް ހިސްޓްރީ އިވެލުއޭޝަން އަދި ޑެންޓަލް ޗެކަޕް އާއި ބޮޑީމާސް އިންޑެކްސް އަދި ލޮލުގެ ފެނުން ހިލޭ ޓެސްޓުކުރުން ހިމެނެ އެވެ.

އަދި ނަވަލޯކާ ހޮސްޕިޓަލުން ކޮމްޕްލިމެންޓްރީ ބެނެފިޓްސް ތެރޭގައި ފަސިންޖަރުންނަށް އޯޕީޑީ ލެބޯޓްރީ ޓެސްޓްތަކުން 15 ޕަސަންޓް ޑިސްކައުންޓް އަދި އެކްސް-ރޭ އިން ފަސް ޕަސަންޓް ޑިސްކައުންޓް ލިބޭނެ ކަމަށް ވެސް މޯލްޑިވިއަން އިން ބުނެ އެވެ.