މޯލްޑިވިއަންގެ ހާއްސަ ފްލައިޓްތަކެއް މެލޭޝިއާއަށް

ގައުމީ އެއާލައިން މޯލްޑިވިއަންއިން މާލެ-މެލޭޝިއާ ހާއްސަ ފްލައިޓްތަކެއް ބާއްވަން ނިންމައިފިއެވެ.

މޯލްޑިވިއަންއިން އެކްސްގައި ކުރި ޕޯސްޓެއްގައި ބުނީ މި މަހުގެ 27 ވަނަ ދުވަހު މާލެއިން މެލޭޝިއާގެ ކުއަލަ ލަމްޕޫރް އަދި ހަމަ އެ ދުވަހު ކުއަލަ ލަމްޕޫރް އާއި މާލެ އާ ދެމެދު ދަތުރުތައް ބާއްވާނެ ކަމަށެވެ.

އަދި މޯލްޑިވިއަންގެ އެއާބަސްގެ މި ދަތުރުތައް ބުކް ކުރުމަށް މިހާރުން ފެށިގެން ވަނީ ހުޅުވާލައިފައެވެ.

މޯލްޑިވިއަންއިން ހާމަކުރިގޮތުގައި މާލެއިން ކުއަލަ ލަމްޕޫރަށް މި މަހުގެ 27 ވަނަ ދުވަހު ކުރާ ދަތުރުގެ އިކޮނޮމިކް ކުލާހުގެ އަގަކީ 149 ޑޮލަރެވެ. އަދި އިކޮނޮމީ ފްލެކްސްގެ ދަތުރުގެ އަގަކީ 174 ޑޮލަރެވެ.

އަދި ކުއަލަ ލަމްޕޫރުން މާލެއަށް ދަތުރު ކުރުމަށް ހަމަޖެހިފައިވާ ދަތުރުގެ އިކޮނޮމިކް ކުލާހުގެ އަގަކީ 99 ޑޮލަރެވެ. އިކޮނޮމީ ފްލެކްސްގެ ދަތުރުގެ އަގަކީ 124 ޑޮލަރެވެ.

We are thrilled to announce special direct flights between Malé and Kuala Lumpur! Enjoy seamless travel between Maldives & Malaysia. 🇲🇻 🔁🇲🇾

Seats are limited — book now! ✈️#MaldivianAero #MaleToKL #DirectFlights pic.twitter.com/YtlBe4thio

— MaldivianAero (@MaldivianAero) April 10, 2025

މާލެއިން ކުއަލަ ލަމްޕޫރަށް މި މަހުގެ 29 ވަނަ ދުވަހުވެސް ދަތުރުކުރުމަށް ވަނީ ހަމަޖެހިފައެވެ. މި ދަތުރުގެ އިކޮނޮމިކް ކުލާހުގެ އަގަކީ 149 ޑޮލަރެވެ. އަދި އިކޮނޮމީ ފްލެކްސް ދަތުރުގެ އަގަކީ 174 ޑޮލަރެވެ.

މީގެއިތުރުން ޖެހިގެން އަންނަ 30 ވަނަ ދުވަހު ކުއަލަ ލަމްޕޫރުން މާލެއަށް ދަތުރު ކުރުމަށް ހަމަޖެހިފައިވާއިރު، އެ ދަތުރުގެ އިކޮނޮމީ ކުލާހުގެ އަގަކީ 119 ޑޮލަރެވެ. އިކޮނޮމިކް ފްލެކްސް ކްލާހުގެ ދަތުރުގެ އަގަކީ 144 ޑޮލަރެވެ.

މޯލްޑިވިއަންއިން ބުނިގޮތުގައި މިއިން ކޮންމެ ދަތުރަކަށް 30 ކިލޯގެ ބެގެޖް އެލަވެންސްއެއް ލިބިގެން ދާނެއެވެ.