ޕީއެންސީގެ ޖަގަހަ ހުޅުވުމުގެ ރަސްމިއްޔާތު މާދަމާރެއަށް ފަސްކޮށްފި

ސަރުކާރު ހިންގާ މައި ޕާޓީ, ޕީޕަލްސް ނެޝަނަލް ކޮންގްރެސް (ޕީއެންސީ) ގެ ޖަގަހަ ހުޅުވުމުގެ ރަސްމިއްޔާތު މާދަމާ ރެއަށް ފަސްކޮށްފިއެވެ.

ކުރިން ނިންމާފައި އޮތީ ޕީއެންސީގެ ޖަގަހަ ހުޅުވުމުގެ ރަސްމިއްޔާތު މިރޭ 20:30 ގައި ބޭއްވުމަށެވެ.

ނަމަވެސް މޫސުން ތަން ނުދިނުމުގެ ސަބަބުން، ޖަގަހަ ހުޅުވުމުގެ ރަސްމިއްޔާތު މާދަމާރެއަށް ފަސްކޮށްފައިވާ ކަމަށް ޕީއެންސީއިން ވަނީ ބުނެފައެވެ.

ހ.ވެޔޮވިލާގައި ހުންނަ ޕީއެންސީގެ ޖަގަހަ ހުޅުވައިދެއްވާނީ ޕްރޮގްރެސިވް ކޮންގްރެސް ކޯލިޝަންގެ ލީޑަރު ރައީސް ޑރ.މުޙައްމަދު މުޢިއްޒެވެ.

ޕީއެންސީއިން ވަނީ ޖަގަހަ ހުޅުވުމުގެ ރަސްމިއްޔާތުގައި ބައިވެރިވުމަށް ޕީއެންސީގެ މެމްބަރުންގެ އިތުުރުން އެންމެހާ ދިވެހި ރައްޔިތުންނަށް ދައުވަތު އަރުވައިފައެވެ.