Saturday 7th Sep 2024
English Edition
ހަބަރު ރިޕޯޓް ލައިފް ސްޓައިލް ދުނިޔެ ކުޅިވަރު ވިޔަފާރި މުނިފޫހިފިލުވުން ކޮލަމް ދީން
މެންބަރު އީވާ ޢަބްދުﷲ

ދަރަނި މެނޭޖުކުރުމަށް ސަރުކާރުން ގެންގުޅޭ ސިޔާސަތުތައް ހާމަކުރަން ގޮވައިލާ ޤަރާރެއް

ދައުލަތުގެ ދަރަނި މެނޭޖުކުރުމަށް ސަރުކާރުން ގެންގުޅޭ ސިޔާސަތުތައް ހާމަކުރުމަށް ގޮވައިލައްވައި ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު އީވާ ޢަބްދުﷲ ހުށަހަޅުއްވައިފިއެވެ.

އީވާ ހުށަހެޅުއްވި ޤަރާރަކީ ދައުލަތުގެ ދަރަނި ހުރި މިންވަރު ދެނެގަތުމާއެކު، ދައުލަތުގެ ދަރަނި ބެލެހެއްޓިފައިވާ މިންވަރާއި އަނބުރާ ދަރަނި އަދާކުރުމަށް ދައުލަތުގެ އާމްދަނީ ދެނެގަތުމާއެކު، ދަރަނި މެނޭޖުކުރުމަށް ސަރުކާރުން ކުރާ މަސައްކަތްތަކާއި ތަންފީޒުކުރާ ސިޔާސަތުތައް ހަރުދަނާކުރުމަށް ގޮވާލައި ހުށަހަޅާފައިވާ ސިޔާސަތެކެވެ.

އީވާގެ ޤަރާރުގައި ފާހަގަކުރައްވާފައިވަނީ ރާއްޖޭގައި ހިންގާ ތަރައްޤީގެ ގިނަ މަޝްރޫޢުތައް ހިންގަނީ ވަށާޖެހޭ ތަރައްޤީގެ އަމާޒަށް ވާސިލުވެވޭނެ ގޮތަކަށް ނޫން ކަމަށެވެ. ވަށާ ޖެހޭ ތަރައްޤީގެ ޕްލޭނެއް އެކުލަވައިލާ އެ ޕްލޭނަކީ ރާއްޖޭގެ މާލީ ރާއްޖޭގެ މާލީ ހާލަތާ އެކަށޭނެ ޕްލޭނެއްކަމަށްވާންވާނެ ކަމަށެވެ.

އޭގެ އިތުރަށް ރާއްޖޭގެ އިޤުތިޞާދީ ހާލަތު ރަނގަޅުކުރެވި މާލީ ހާލަތު އިތުރަށް ރަނގަޅުކުރުމަށް ޕްލޭނެއް އެކުލަވައިލާ އާންމުކުރަންޖެހޭ ކަމަށާއި، މާލީ ދެމެހެއްޓެނެވިކަން ޤާއިމުކުރުމަށް ރާވާފައިވާ ގޮތާއި ތަރައްޤީގެ މަޝްރޫޢުތަކުގެ ޚަރަދު އަންދާޒާތައް އަދި ސްޓްރެޓިޖިކް ޕްލޭން އާންމުކޮށް ހާމަކުރުމަށް އީވާގެ ޤަރާރުގައި ގޮވާލައްވައިފިއެވެ.

ދަރަނި މެނޭޖުކުރުމާ ގުޅޭ ގޮތުން 2020 ވަނަ އަހަރުގައި ރައްޔިތުންގެ މަޖިލީހުގެ މުޅި މަޖިލިސް ކޮމިޓީން ސަރުކާރަށް ލަފައެއް އަރުވާފައިވާކަމަށް ޤަރާރުގައި ފާހަގަކުރިއެވެ. އެއިރު ލަފާދީފައިވަނީ ދަރަނި ރިސްޓްރަކްޗާކުރާނެ ޚާއްޞަ ކޮމިޓީއެއް އެކުލަވައިލާ ރާއްޖެއާއި ބޭރުގެ ކަމާ ގުޅޭ މާހިރުންގެ ލަފާ ހޯދައި ކޮމިޓީއާ ގުޅޭ މަސައްކަތްތައް 8 މަސްތެރޭގައި މަސައްކަތް ނިންމައި ރިޕޯޓެއް ރައީސުލްޖުމްހޫރިއްޔާއަށާއި މަޖިލީހަށް ހުށަހެޅުމަށެވެ. ނަމަވެސް މި ލަފައަށް އެއިރުގެ ސަރުކާރުން އަމަލުކޮށްފައިނުވެއެވެ.

އޭގެ އިތުރަށް ދައުލަތުން ދަރަންޏަށް ގަރަންޓީ ދިނުމުގައި އަމަލުކުރާ އުސޫލު ކަނޑައެޅުމާއެކު، ދައުލަތުގެ ދަރަނީގެ މެދުރާސްތާ ސްޓްރެޓިޖީ މުރާޖައާކޮށް، ދަރަނީގެ ސްޓްރެޓެޖީ ތަންފީޒުކުރުމުގައި ކުރިމަތިވާ ގޮންޖެހުންތައް ފާހަގަކޮށް ނަތީޖާ ހާސިލުވާނެ ގޮތުގެ ރިޕޯޓެއް މަޖިލީހާ ހިއްސާކުރަން އެއިރު އެންގި ނަމަވެސް ސަރުކާރުން އެލަފައަށް އަމަލުކޮށްފައިނުވާކަމަށް އީވާ ފާހަގަކުރެއްވިއެވެ.

އިތުރަށް އީވާ ފާހަގަކުރެއްވީ ކޮންމެ ސަރުކާރެއް ވެރިކަމާ ހަވާލުވާއިރު ދައުލަތުގެ ދަރަނި ހުރި މިންވަރާއި ދަރަނި މެނޭޖުކޮށްފައިވާ ގޮތާއި، ދަރަނި އަނބުރާ ދެއްކުމަށް އައު ސަރުކާރުން ގެންގުޅޭ ޕްލޭން އާންމުކުރުން ލާޒިމުވާނެ ގޮތަށް ޤާނޫނުގައި ހިމެނުމަކީ މުހިއްމު ކަމެއް ކަމަށެވެ.

މި ލިއުމާއި ގުޅޭ