މާރާމާރީ އަކާއި ގުޅިގެން ބިދޭސީއަކު ހައްޔަރަށް

ދެ ބިދޭސީއެއް ހިންގި މާރާމާރީ އަކާއި ގުޅިގެން މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ.

ފުލުހުން ބުނީ މި މާރާމާރީ ހިނގާފައިވަނީ ހުޅުމާލޭ ފުރަތަމަ ފިޔަވަހީގައި ހުންނަ ކެފޭއެއްގައި ކަމަށެވެ. އަދި މި ކަން ހިނގީ ނޭޕާލު މީހަކާއި ބަންގްލަދޭޝް މީހެއްގެ މެދުގައި ކަމަށް ވެސް ބުނެފައިވެއެވެ.

މި ހާދިސާގައި ނޭޕާލު މީހާއަށް އަނިޔާވެފައިވާ ކަމަށާއި ނަމަވެސް ސީރިޔަސް އަނިޔާއެއް ލިބިފައި ނުވާކަމަށް ވެސް ބުނެފައިވެއެވެ.

ފުލުހުން ބުނީ މި މައްސަލައިގައި ބެލުމުގެ ދަށަށް ގެނެސްފައިވަނީ ނޭޕާލު މީހާ ކަމަށެވެ. އަދި މި މައްސަލަ ތަހުގީގު ކުރަމުން އަންނަ ކަމަށެވެ.

ފަހަކަށް އައިސް ގިނައިން ބިދޭސީންގެ މެދުގައި ހަމަނުޖެހުން ހިނގާކާން ފާހަގަކުރެވެއެވެ.