ކަސްޓަމުން ހިފަހައްޓާފައިވާ ގިނަ އަދަދެއްގެ ބަނގުރާ ފުޅިއާއި ދަޅު ނައްތާލައިފި

މޯލްޑިވްސް ކަސްޓަމްސްއިން ހިފަހައްޓާފައިވާ ތަކެތީގެ ތެރެއިން ގިނަ އަދަދެއްގެ ބަނގުރާ ފުޅި އާއި ދަޅު އެ އިދާރާއިން ނައްތާލައިފިއެވެ.

ކަސްޓަމްއިން ހާމަކުރިގޮތުގައި މިއީ ގަވާއިދާއި ޚިލާފަށް ރާއްޖެ އެތެރެކުރަން އުޅެނިކޮށް އެ އިދާރާއިން ހިފަހައްޓާފައިވާތަކެއްޗެވެ.

އަދި މިއީ މި މަހުގެ ދެވަނަ ދުވަހު ނައްތާލި ތަކެތިކަމަށްވެސް އެ އިދާރާއިން ބުނެފައިވެއެވެ.

ކަސްޓަމްސްއިން ހާމަކުރި މައުލޫމާތުން އެނގޭގުތުގައި އެ ދުވަހު ތިން ބާވަތެއްގެ ތަކެތި ނައްތާލާފައިވެއެވެ. އެއީ ބިޔަރު ފުޅި އާއި ބިޔަރު ދަޅު އަދި ބިޔަރު ލޭބަލް ހިމެނޭ ތައްޓެވެ.