ފަސް މިލިއަން ގަސް އިންދުމުގެ ޕްރޮގްރާމްގެ ދަށުން މިހާތަނަށް ފަސް ލައްކައެއްހާ ގަސް އިންދާފައިވާ ކަމަށް މިނިސްޓްރީ އޮތް ޓޫރިޒަމް އެންޑް އެންވައިރަންމެންޓްއިން ބުނެފިއެވެ.
އެ މިނިސްޓްރީން ކުރި ޕޯސްޓެއްގައި ބުނީ މިއަދުގެ ނިޔަލަށް އެ މަޝްރޫއުގެ ދަށުން ޖުމުލަ 498،968 ގަސް އިންދާފައިވާކަމަށެވެ.
ފަސް މިލިއަން މަޝްރޫއުގެ ދަށުން ޖުމުލަ 5،219،456 ގަސް އިންދުމަށް އެއްބަސްވުންތައް ވަނީ ހަދާފައެވެ.
މިނިސްޓްރީން ވަނީ މި މަޝްރޫއާ ގުޅިގެން ފަސް ފަރާތަކުން ގަސް އިންދުމަށް އެއްބަސްވެފައިވާ އަދަދުތައް އާއްމުކޮށްފައެވެ.
ގަސް އިންދުމަށް ވަޢުދުވެފައިވާ އަދަދުގެ ތަފްޞީލް:
- އެޗްޑީސީ: 1،000،000
- އެމްޕީއެލް: 1،000،000
- އެސްޑީއެމް ފާމް: 750،000
- އާރްއޭސީއެލް: 600،000
- ސްޓެލްކޯ: 500،000
- އެހެނިހެން: 1،369،456
ފަސް މިލިޔަން ގަސް އިންދުމުގެ ޕްރޮގުރާމަކީ ރާއްޖެއިން ނެތެމުންދާ ގަސްތައް އަލުން އާލާކުރުމާއި ފެހިކަން އިތުރުކޮށް މާހައުލީ ނިޒާމު ދެމެހެއްޓުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިޢުލާންކުރައްވާފައިވާ ޕްރޮގުރާމެކެވެ. މި ޕްރޮގުރާމް ފެށީ މިދިޔައަހަރުގެ ޖޫން މަހުގެ ފަސް ވަނަ ދުވަހުއެވެ. އެއީ ދުނިޔޭގެ ތިމާވެށީގެ ދުވަހެވެ.
އެލައިޑް ހެލްތު ދާއިރާއިން 1،500 ދިވެހިން ތަމްރީނު ކުރަނީ
އިމާމުން، މުޖުތަމަޢުއަށް ނަމޫނާ ބަޔަކަށް ވުމަކީ މުހިއްމުކަމެއް: ޑރ. ޞަލާޙުލް ބުދައިރު
އިސްތަންބޫލަށް ބާރުގަދަ ބިންހެލުމެއް އަތުވެއްޖެ
ޝަމްއާން ބަންދުކުރީ ހެކިންނާއި ރައްޓެހިކަމެއް އޮންނާތީ ކަމަށް ބުނެ - ވަކީލް
