ދާއިރާ ރައްޔިތުންގެ އެދުމުގެ މަތިން 20 ވަނަ މަޖިލީހުގެ އެންމެ ޒުވާން މެންބަރު އަލްސަން ޕީއެންސީއަށް

ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ އިންތިޚާބީ މެންބަރު މުޙައްމަދު އަލްސަން އަޙްމަދު ސަރުކާރު ހިންގާ ޕާޓީ ޕީއެންސީއަށް ސޮއިކުރައްވައިފިއެވެ.

އަލްސަން އެންމެ ފަހުން ދާއިރާއަށް ކުރި ދަތުރުގައި އެ ދާއިރާގެ ރައްޔިތުން ވަނީ އޭނާ ސަރުކާރަށް ގުޅި ވަޑައިގަތުމަށް އެދިފައެވެ.

އަލްސަންގެ އެ ދަތުރުގައި އެ ދާއިރާގެ ގިނަ ރައްޔިތުންގެ ކައިރިއަށް ޒިޔާރަތްކޮށް ބައްދަލުކުރައްވާފައިވެއެވެ.

އަލްސަން އަކީ 20 ވަނަ ރައްޔިތުން މަޖިލީހުގެ އެންމެ ޒުވާން މެންބަރެވެ.