ހައުސިން ޑިވެލޮޕްމެންޓް ފައިނޭންސް ކޯޕަރޭޝަން (އެޗްޑީއެފްސީ) އިން ދޫކުރި ކޮވިޑް ލޯނުތަކަށް އެރި އިންޓްރެސްޓު މާފު ކުރަން ނިންމަވާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ހައްދުންމައްޗަށް މިހާރު ކުރައްވަމުންގެންދަވާ ދަތުރުފުޅުގެ ތެރެއިން މިރޭ ފޮނަދޫއަށް ވަޑައިގެން ރައްޔިތުންނާ ބައްދަލުކުރައްވައި ރައީސް ވިދާޅުވީ ކޮވިޑް-19ގެ ބަލިމަޑުކަމުގެ ސަބަބުން ވަރަށް ގިނަ ބަޔަކު ހާލުގައި ޖެހުމުގެ ސަބަބުން ލޯނު ނެގި ކަމަށެވެ. އެ ލޯނުތަކުގެ އިންޓްރެސްޓް އަރަމުން ގޮސް މިހާރު އެ ލޯނު ނެގި ފަރާތްތަކަށް ނުކަތާ ވަރަށް އިންޓްރެސްޓް އަރާފައިވާ ކަމަށް ރައީސް ވިދާޅުވިއެވެ.
ރައީސް ވިދާޅުވީ އެފަދަ ކަންކަމުގައި ރައްޔިތުންނަށް ލުއި ދޭން ސަރުކާރުން ބޭނުންވާ ކަމަށެވެ. މީގެ އިތުރުން ސަރުކާރުން ދަނީ ފައިސާ ޗާޕުނުކޮށް ރާއްޖެއިން ބޭރަށް ދައްކަން ޖެހޭ ދަރަނި ދައްކަމުން އަދި ސަރުކާރުގެ ކުންފުނިތަކުން، އަމިއްލަ ފަރާތްތަކަށް ދޭން ޖެހޭ ފައިސާތައް ހަވާލުކުރަމުން ކަމަށެވެ. އަދި ދައުލަތުގެ ސިޔާސަތަކީ ރާއްޖޭގެ އާމްދަނީ އިތުރުކުރުން ކަމަށް ވެސް އެމަނިކުފާނު ވިދާޅުވިއެވެ.
ރައީސް ވިދާޅުވީ އެމަނިކުފާނު ވެރިކަމާ ހަވާލުވެވަޑައިގެންނެވި އިރު ސަރުކާރުގެ ދެތިން ކުންފުންޏެއް ފިޔަވައި އެހެން ހުރިހާ ކުންފުންޏެއް ވަނީ ދަރާފައި ކަމަށެވެ. ނަމަވެސް މިހާރު އެ ކުންފުނިތަކުގެ މާލީ ހާލަތު ރަނގަޅުވަމުން އަންނަ ކަމަށް ރައީސް ވިދާޅުވިއެވެ.
އެލައިޑް ހެލްތު ދާއިރާއިން 1،500 ދިވެހިން ތަމްރީނު ކުރަނީ
އިމާމުން، މުޖުތަމަޢުއަށް ނަމޫނާ ބަޔަކަށް ވުމަކީ މުހިއްމުކަމެއް: ޑރ. ޞަލާޙުލް ބުދައިރު
އިސްތަންބޫލަށް ބާރުގަދަ ބިންހެލުމެއް އަތުވެއްޖެ
ޝަމްއާން ބަންދުކުރީ ހެކިންނާއި ރައްޓެހިކަމެއް އޮންނާތީ ކަމަށް ބުނެ - ވަކީލް
