ގަވާއިދާ ޚިލާފަށް ކެފޭއެއްގައި މަސައްކަތް ކުރި 11 ބިދޭސީއަކު އަތުލައިގެންފި

މާލޭގެ ކެފޭއެއްގައި ގަވާއިދާ ޚިލާފަށް މަސައްކަތް ކުރަމުންދިޔަ 11 ބިދޭސީއަކު އިމިގްރޭޝަނުގެ ބެލުމުގެ ދަށަށް ގެންގޮސްފިއެވެ.

މި ބިދޭސީން ހައްޔަރުކޮށްފައިވަނީ އިމިގްރޭޝަންގެ ޓާސްކް ފޯސްއިން އިއްޔެ ރޭ ހިންގި ރެއިޑް އޮޕަރޭޝަނެއްގައެވެ.

އާންމު ސިއްހަތަށް ނުރައްކާވާ ގޮތަށް ހިންގަމުންދިއަ މި ކެފޭގައި ގަވާއިދާ ހިލާފަށް އުޅެމުންދިއަ 11 ބިދޭސީއެއް ވަނީ އިމިގްރޭޝަންގެ ބެލުމުގެ ދަށަށް ގެނެވިފައި.

އިމިގްރޭޝަނުން ބުނި ގޮތުގައި، މި އޮޕަރޭޝަނަކީ ގަވާއިދާ ޚިލާފަށް ރާއްޖޭގައި އުޅޭ ބިދޭސީންނަށް އަމާޒުކޮށްގެން ކުރިއަށްގެންދާ ރެއިޑް އޮޕަރޭޝަންތަކުގެ ތެރެއިން އޮޕަރޭޝަނެކެވެ.

އެ އިދާރާއިން ފާހަގަކުރި ގޮތުގައި، ހައްޔަރުކުރި ބިދޭސީން މަސައްކަތްކުރަމުން ދިޔަ ކެފޭ ހިންގަމުން ގެންގޮސްފައިވަނީ އާންމު ސިއްހަތަށް ނުރައްކާވާ ގޮތަށެވެ.

ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލު ކުރުމަށް އިމިގްރޭޝަނުން އަންނަނީ ގިނަ އަދަދެއްގެ އޮޕަރޭޝަންތައް ކުރިއަށް ގެންދަމުންނެވެ. މި އޮޕަރޭޝަންތަކުގައި ގަވާއިދާ ޚިލާފަށް ވިޔަފާރި ކުރާ ބިދޭސީންނާއި, ޓޫރިސްޓް ވިސާގައި އެތެރެވެ ގަވާއިދާ ޚިލާފަށް އުޅެމުންދާ މީހުންގެ އިތުރުން ހަށި ވިއްކުމުގެ ނެޓްވޯކުތައް އަތުލައިގަނެ ގިނަ އަދަދެއްގެ މީހުން ވަނީ ރާއްޖެއިން ޑީޕޯޓު ކޮށްލާފައެވެ.