ލޯންޗެއްގައި ރޯވެ، އަޑިއަށް ހިނގައްޖެ

އއ.ހިމަންދޫގެ ފަޅު ތެރޭގައި އޮތް 'ކައެލް ވިންގް' ނަމަކަށް ކިޔާ ލޯންޗެއްގައި ރޯވެ، އަނދާ ހުލިވެއްޖެއެވެ.

މިއަދު ހެނދު މާލެއަށް ފުރަން ތައްޔާރުވެފައި އޮތް ލޯންޗްގައި ރޭ ފަތިހު ރޯވިއިރު ލޯންޗްގައި އެއްވެސް މީހަކު ނެތް ކަމަށް ވެއެވެ.

ރޯވި ލޯންޗަކީ ފެރިދޫ، މާޅޮސް އަދި ހިމަންދޫ އާއި މާލެ އާ ދެމެދު ދަތުރުކުރާ ފެރީ ލޯންޗެކެވެ.

މަންޒަރުދުއް މީހުން ބުނާ ގޮތުގައި އަލިފާން ރޯވިތާ ކުޑައިރުކޮޅެއްގެ ތެރޭގައި ލޯންޗް ވަނީ އެއްކޮށް އަނދާފައެވެ. އެހެންވެ އަލިފާން ނިއްވުމަށް ވެސް މާބޮޑު މަސައްކަތެއް ނުކުރެވުނެވެ.

ލޯންޗުގައި ރޯވާން މެދުވެރިވި ސަބަބު އަދި ސާފެއް ނުވެއެވެ.