ރައްޔިތުން ހަވާލުކުރީ އަމާނާތެއްކަމަށާއި އެ އަމާނާތަށް ހިޔާނާތްތެރި ނުވާނެކަމަށް ހިންނަވަރު ދާއިރާގެ އިންތިހާބީ މެންބަރު މުހައްމަދު އަބްދުލް ރަހްމާން ވިދާޅުވެއްޖެއެވެ.
އޭނާ މިފަދައިން ވިދާޅުވީ 20ވަނަ ރައްޔިތުންގެ މަޖިލީހުގެ އިންތިހާބުގައި ލިބިވަޑައިގެންނެވި ކާމިޔާބީ ފާހަގަކުރުމުގެ ގޮތުން ބޭއްވި ހަފްލާގައި ވާހަކަދައްކަވަމުންނެވެ.
އިންތިހާބީ މެންބަރު މުހައްމަދު ވިދާޅުވީ ރައްޔިތުން ޕީއެންސީގެ ކެންޑިޑޭޓުން ބަލައިގަނެފައިވާކަމަށާޢި ހިންނަވަަރުގެ ރައްޔިތުންވެސް ދިވެހިންގެ ރާއްޖެއަށް އާނބަސް ބުނެފައިވާކަމަށެވެ.
އޭނާ ވިދާޅުވީ ރައީސުލްޖުމުހުރިއްޔާ ޑރ މުހައްމަދު މުއިއްޒު އާއި ސަރުކާރުގެ ހަރުދަނާ ސިޔާސަތުތަކަށް ވެސް ރައްޔިތުން އާނބަސް ބުނެފައިކަމަށާއި ހިންނަވަރު ރައްޔިތުން އާނބަސް ބުނެފައިވަނީ ޕީއެންސީގެ ސަރުކާރު ހިންގުމަށްޓަކައިކަމަށެވެ.
މީގެއިތުރުން އޭނާއަކީ މަޖިލީހުގެ ތަޅުމުގައި ހިންނަވަރުގެ ހުރިހާ ރައްޔިތުންގެ ޝުއޫރުތައް ފާޅުކުރައްވާނެ މީހެއްކަމަށާއި ރަށާއި ރައްޔިތުންގެ ތަރައްގީއަށް މަސައްކަތްކޮށްދޭނެކަމުގެ ޔަގީންކަން ދެއްވާކަމަށް އިންތިހާބީ މެންބަރު ވިދާޅުވިއެވެ.
މުހައްމަދު ވިދާޅުވީ ކެމްޕެއިނުގެ ތެރެއިން ރައްޔިތުންގެ ގާތުގައި އޭނާ ދެއްކެވި ވާހަކަތައް ދުވަހަކުވެސް ހަނދާން ނުނެތޭނެކަމަށާއި ރައްޔިތުންގެ ޝުއޫރުތަކާއި އިހުސާސްތަކުގައި ކޮޅުފައިންޖަހާނެ މީހެއްކަމަށް އޭނާ ނުވާނެކަމަށެވެ.
އަދި ސަރުކާރު ހިންގުމަށްޓަކައި ހަވާލުކުރި އަމާނާތަށް ހިޔާނާތްތެރިވާ މީހަކަށްވެސް ނުވާނެކަމުމުގެ ޔަގީންކަން އޭނާ ދެއްވިއެވެ.
އެލައިޑް ހެލްތު ދާއިރާއިން 1،500 ދިވެހިން ތަމްރީނު ކުރަނީ
އިމާމުން، މުޖުތަމަޢުއަށް ނަމޫނާ ބަޔަކަށް ވުމަކީ މުހިއްމުކަމެއް: ޑރ. ޞަލާޙުލް ބުދައިރު
އިސްތަންބޫލަށް ބާރުގަދަ ބިންހެލުމެއް އަތުވެއްޖެ
ޝަމްއާން ބަންދުކުރީ ހެކިންނާއި ރައްޓެހިކަމެއް އޮންނާތީ ކަމަށް ބުނެ - ވަކީލް
