6 dhaairaa akun 50 scholarship ge furusathu City council in hulhuvaalaifi

ހަ ދާއިރާ އަކުން 50 ސްކޮލާޝިޕްގެ ފުރުސަތު މާލެ ސިޓީ ރައްޔިތުންނަށް އެ ސިޓީ ކައުންސިލުން ހުޅުވާލައިފިއެވެ.

އެ ކައުންސިލުން ބުނި ގޮތުގައި މި ސްކޮލާޝިޕް އިން ސްޓްރޯންގް ސިޓީޒް ނެޓްވޯކް ގެ އޭޝިއާ ޕެސިފިކް ރީޖަން އިން އެ ކައުންސިލަށް ދީފައިވާ ފުރުސަތުތަކެކެވެ.

ސްކޮލާޝިޕް ހުޅުވާލާފައިވާ ދާއިރާތަކަކީ:

- ސިއްހަތާއި އިޖުތިމާއީ ދާއިރާ
- އިމާރާތްކުރުމާއި އިންޖިނިއަރިން
- ޓީޗަރުންނާއި ތައުލީމީ ދާއިރާގެ މަސައްކަތްތެރިން
- އައިޓީ އަދި ޑިޖިޓަލް ދާއިރާ
- ރީޓެއިލް، ހޮސްޕިޓާލިޓީ އަދި ކަސްޓަމާ ސާވިސް
- ދަނޑުވެރިކަން

ސިޓީ ކައުންސިލުން ބުނީ މި ސްކޮލާޝިޕް ޕްރޮގްރާމްތަކުގެ މުއްދަތަކީ 12 މަހާއި 24 ހަފްތާ އާ ދެމެދު ކަމަށެވެ. އަދި މި ޕްރޮގްރާމްތައް ކުރިއަށް ގެންދާނީ މާލެ-ޕާކިސްތާނުގައި ކަމަށާއި ދަތުރު ހަރަދު، ހުރުން، ކެއުމުގެ އިތުރުން ކޯސް ފީ ދޭނެ ކަމަށް ވެސް އެ ކައުންސިލުން ބުނެފައިވެއެވެ.

ހުންނަން ޖެހޭ ޝަރުތުތައް:

- މާލެ ސިޓީގެ ރަށްވެހިވެފައިވާ ފަރާތެއްކަމުގައިވުން
- އުމުރުން 18 އަހަރާ 35 އަހަރުގެ ޒުވާނުން
- ގްރޭޑް 10 އާއި ހަމައަށް ތަޢުލީމް ޙާޞިލްކޮށްފައިވުން
- އިގިރޭސިބަހުން ޢާއްމު ލިޔެކިއުމާއި، ވާހަކަދެއްކުމާއި ދޭހަވުމުގެ ހުނަރުތައް ލިބިފައިވުން

ސްކޮލާޝިޕަށް ހޮވުމުގައި އޯލެވެލްގެ ނަތީޖާ އާއި ޝޯޓްލިސްޓް ކުރެވޭ ފަރަތްތަކާއެކު ބޭއްވޭ އިންޓަވިޔުގެ މާކުސްއަށް ބަލާނެ ކަމަށް ވެސް މާލޭ ސިޓީ ކައުންސިލުން ބުނެފައިވެއެވެ.

މި ތަމްރީން ސްކޮލަޝިޕް ފުރުސަތަށް ހުށަހެޅުމުގެ ސުންގަޑި އަކީ 20 އޭޕްރީލް ވާ އާދީއްތަ ދުވަހުގެ މެންދުރު ފަހު 2:00 އެވެ. ޝައުގުވެރިވާ މީހުންގެ ތައުލީމީ ސެޓްފިކެޓު ނުވަތަ ލީވިން ސެޓްފިކެޓާއި އައިޑާ ކާޑު ކޮޕީ ހުށަހަޅަން ޖެހޭނެއެވެ.