ހުއްޓިފައި ހުރި މަޝްރޫޢުތައް ފެށޭނެ ގޮތްތައް ރައީސްދަނީ ހޯއްދަވަމުން، ނަތީޖާ ދައްކާނަން: އާދަމް ޝަރީފު

އެމްޑީޕީ ވެރިކަމުގައި ހުއްޓިފައި ހުރި މަޝްރޫޢުތައް ފެށޭނެ ގޮތްތައް ރައީސުލްޖުމްހޫރުއްޔާ ދަނީ ހޯއްދަވަމުން ކަމަށާއި، ނަތީޖާ ދައްކާނެ ކަމަށް އާންމު މަސައްކަތްތަކާ ބެހޭ މިނިސްޓަރު އާދަމް ޝަރީފް އުމަރު ވިދާޅުވެއްޖެއެވެ.

ރ. އަލިފުށީ އެއާރޕޯޓް އަދި ހުޅުދުއްފާރުގެ މަގު ހެދުމުގެ މަސައްކަތް ހުއްޓިފައިވާތީ އެކަމާއި ގުޅިގެން އެކްސްގައި ކުރި ޕޯސްޓެއްގައި އާދަމް ޝަރީފް ވިދާޅުވީ، ރައީސް ސޯލިހުގެ ވެރިކަމުގައި އަލިފުށި އެއާޕޯޓުގެ މަސައްކަތް ހުއްޓިފައިވާކަން އެމަނިކުފާނަށް ނޭގުމަކީ ދެރަކަމެއް ކަމަށެވެ.

އަލިފުށީ އެއާޕޯޓް އެޅުމަށް ހަވާލުކޮށްފައި ވަނީ އެމްޓީސީސީއާއެވެ. މި މަސައްކަތް ކުރުމަށް އެ ކުންފުންޏާއި ހަވާލުކޮށްފައި ވަނީ ފަޅުން ބިން ހިއްކައިގެންނެވެ.

Alifushi airport hedhun huttunee manikufaanumenge verikamugaikan neyngumakee dherakameh! Hulhudhuffaaru maguthakugai fasbaadi jahai mulhi rah haraabu kollee manikufaanuge party in.
RJ @MMuizzu e gendhavanee huttifaihuri hurihaa project thah fetteyne goiythah hoadhdhavamun.… https://t.co/z6xocnDp9T pic.twitter.com/U2MXFmE8ea

— Adam Shareef Umar (@Adamshareefz) March 23, 2024

އާދަމް ޝަރީފް ވިދާޅުވީ، ހުޅުދުއްފާރުގެ މަގުތަކުގައި ފަސްބާޑި ޖަހައި މުޅި މުޅިރަށް ޚަރާބުކޮށްލީ އެމްޑީޕީން ކަމަށާއި، ރައީސް ޑރ. މުއިއްޒު ގެންދަވަނީ ކުރީ ސަރުކާރުން މަސައްކަތް ހުއްޓިފައި ހުރި ހުރިހާ ޕްރޮޖެކްޓެއް ފެއްޓޭނެ ގޮތް ހައްދަވަމުން ކަމަށެވެ.

އަލިފުށީ އެއާރޕޯޓް އަދި މަގުތައް ހެދުމުގެ މަޝްރޫއު ހުއްޓިފައިވާއިރު، ރައީސް ޑރ. މުއިއްޒުގެ ސަރުކާރުން ދަނީ ހުއްޓިފައި ހުރި މަޝްރޫއުތައް ފައްޓަވަމުނެނެވެ. އެހެން ނަމަވެސް އެމްޑީޕީގެ ވެރިކަމުގައި ފެށި ފެނާއި ނަރުދަމާގެ މަޝްރޫޢުތަކުގެ ތެރެއިން މ.ރަތްމަންދޫގައި ފެނަކަ ކުންފުންޏާ ހަވާލުކޮށްގެން ހިންގަން ފެށި ފެނާއި ނަރުދަމާގެ ނިޒާމު ޤާއިމުކުރުމުގެ މަޝްރޫޢު ރައީސް ޑރ.މުޙައްމަދު މުޢިއްޒުގެ ސަރުކާރުން ހުއްޓާލާފައިވާކަމަށް ވިދާޅުވެ އެމްޑީޕީގެ ރައީސް ކުރީގެ ޚާރިޖީވަޒީރު ޢަބްދުﷲ ޝާހިދު ސަރުކާރަށް ވަނީ ވަރަށް ބޮޑަށް ފާޑުވިދާޅުވަމުންނެވެ.

ފެނާއި ނަރުދަމާގެ 15 މަޝްރޫޢެއް ފެނަކައާއި ހަވާލުކޮށްފައިވާއިރު، ހުރިހާ މަޝްރޫޢެއްގެ އަގަކީ 3،701،088،932 (ތިން ބިލިއަން ހަތްސަތޭކަ އެއް މިލިއަން އަށްޑިހަ އަށްހާސް ނުވަސަތޭކަ ބައްތިރީސް) ރުފިޔާއެވެ.