އިނގިރޭސި ވިލާތުގައި ބޭއްވުނު އާންމު އިންތިހާބު އެ ޤައުމުގެ ކޮންޒަވޭޓިވް ޕާޓީއިން ކާމިޔާބުކޮށްފިއެވެ.
އެ ޕާޓީއަކީ އިނގިރޭސި ބޮޑުވަޒީރުކަން މިހާރުވެސް ކުރައްވަމުން ގެންދަވާ ބޮރިސް ޖޯންސަންގެ ޕާޓީއެވެ. ކޮންޒަވޭޓިވް ޕާޓީ އިން އިންތިހާބު ކާމިޔާބު ކުރީ ވަރަށް ބޮޑު މެޖޯރިޓީ އަކާއި އެކުގައެވެ.
މިގޮތުން މިހާތަނަށް ކޮންޒަވޭޓިވް ޕާޓީއަށް 364 ގޮނޑިވަނީ ކަށަވަރުވެފައެވެ. ދެން އެންމެ ގިނަ ގޮނޑި ލިބުނީ ލޭބާ ޕާޓީއަށެވެ. އެ ޕާޓީއަށް ލިބިފައިވަނީ 203 ގޮނޑިއެވެ. ކޮންޒަވޭޓިވް ޕާޓީ އަކީ އިނގިރޭސި ވިލާތް ޔޫރަޕުގެ އިއްތިހާދުން ބޭރުކުރަން ތާއީދު ކުރާ ޕާޓީއެކެވެ.
އިނގިރޭސި ބޮޑުވަޒީރު ބޮރިސް ޖޯންސަން ވަނީ އަންނަ މަހު އިނގިރޭސި ވިލާތް މުޅިން އެއްކޮށް ޔޫރަޕުގެ އިއްތިހާދުން ބޭރު ކުރާނެ ކަމަށް ވިދާޅުވެފައެވެ. އަދި މިހާރު ލިބުނު މެޖޯރިޓީއާއި އެކު ކޮންޒަވޭޓިވް ޕާޓީއަށް އެކަން ކުރެވޭނެ ކަމަށް ބެލެވެއެވެ.