މި ސަރުކާރަށް ގެއްލުން ވާނެ އެއްވެސް ކަމެއް އަޅުގަނޑު ނުކުރާނެ ކަމަށް ރައީސް ނަޝީދު ވިދާޅުވެއްޖެއެވެ.
މިއަދު އޮތް ނޫސްވެރިންގެ ބައްދަލުވުމުގައި ވާހަކަދައްކަވަމުން ރައްޔިތުން މަޖިލިހުގެ ރައީސް މުޙައްމަދު ނަޝީދު ވިދާޅުވީ، މިހާރު މިއޮތީ ދިވެހިރައްޔިތުންގެ ޑިމޮކްރެޓިކް ޕާޓީގެ ވެރިކަމެއް ކަމުގައެވެ. އަދި ވެރިކަމުގައި ހުންނެވީ އުފަންވީއްސުރެ އެމަނިކުފާނުގެ އެންމެ ގާތް ރަހުމަތްތެރިޔާ ކަމުގައެވެ.
އަދި ރައީސް ނަޝީދު ވިދާޅުވީ މިސަރުކާރު ހިމާޔަތްކުރުމަށް ޤާނޫނީ އިމުގެ ތެރެއިން ކުރަންޖެހޭ ހުރިހާ ކަމެއް ކުރައްވާނެ ކަމުގައެވެ. މަޖިލިހުގައި އެމްޑީޕީގެ އެންމެ ބޮޑު ބޭނުމަކީ މަދަދުވެރިކަމާއި އެހީތެރިކަން ފޯރުކޮށްދިނުމާއެކު ސަރުކާރު ޖަވާބުދާރީކުރުވުން ކަމުގައިވެސް ރައީސް ނަޝީދު ވިދާޅުވިއެވެ.