ބޮޑުތަކުރުފާނު މަގުގެ ވަކި ސަރަހައްދެއްގައި ޕާކް ކުރާ ވެހިކަލްތައް ވެސް ޓޯކުރަން ފަށައިފިއެވެ.
ފުލުހުން ދެންމެ ސޯޝަލް މީޑިއާގައި ކުރި ޕޯސްޓެއްގައި ބުނެފައި ވަނީ ހިތިގަސްމަގުން ފެށިގެން މެހެލިގޯޅިއާ ހަމައަށް ބޮޑުތަކުރުފާނުމަގުގައި އާންމު ދަތުރުފަތުރާއި ޕަބްލިކް ޓްރާންސްޕޯޓަށް ދަތިވާގޮތަށް ގަވާއިދާ ހިލާފަށް ޕާކްކޮށްފައި ހުންނަ އުޅަނދުތައް ޓޯވކުރުމުގެ މަސައްކަތް ކުރަމުން ގެންދާނެ ކަމަށެވެ.
ހިތިގަސްމަގަކީ ބްރައިން ރޫފްޓޮޕް ރެސްޓޯރެންޓް ހުންނަ އިމާރާއި ޖެހިގެން އޮންނަ މަގެވެ. މެހެލި ގޯޅިއަކީ ކާނިވާ ސަރަހައްދުގައި ހުންނަ އެފްއެސްއެމް ޕެޓްރޯލް ޝެޑާއި ޖެހިގެން އޮންނަ ގޯޅިއެވެ. ޓޯވ ކުރާނީ އެދެމެދު ބޮޑުތަކުރުފާނު މަގުގައި ޕާކް ކުރާ ވެހިކަލްތަކެވެ.
ފުލުހުން ބުނީ މާލޭގެ މަގުތަކުގައި ދަތުރުފަތުރު ކުރުމަށާއި ހިނގާބިނގާވެ އުޅޭ މީހުންނަށް ފަސޭހަވާނެގޮތަށް މަގުތައް ތަރުތީބުކުރުމަށް ފުލުހުން ކުރަމުން ގެންދާ މަސައްކަތުގެ ތެރެއިން ޓޯވ ކުރާ ވެހިކަލް އަނބުރާ ލިބޭނީ ވެހިކަލް ޓޯވ ކުރާތާ 48 ގަޑިއިރު ފަހުން ކަމަށެވެ. އަދި ޕާކް ކޮށްފައިވާ އުޅަނދު ދުއްވި ފަރާތަކާއިމެދު ފިޔަވަޅު އަޅަމުން ގެންދާނެ ކަމަށް ވެސް ފުލުހުން ބުންޏެވެ.
ފުލުހުން ވަނީ މިދިޔަ ހަފްތާއިން ފެށިގެން މަޖީދީމަގުގައި ޕާކް ކުރާ އުޅަނދުތައް ވެސް ޓޯވ ކުރަމުންނެވެ.
ގަވައިދާއި ހިލާފަށް ޕާކް ކުރާ ވެހިކަލްތަކުގައި ސްޓިކާ ޖެހުން 2023 ވަނަ އަހަރު ވެރިކަން ބަދަލުވުމާއިއެކު ވަނީ ހުއްޓާލާފައެވެ. އެއާއިއެކު ގަވައިދާއި ހިލާފަށް ޕާކް ކުރުން ވަނީ އާއްމު ކަމަކަށް ވެފައެވެ.
ތިމާވެއްޓާ ރައްޓެހި 'ކަލްޓަން ރެފްރިޖަރަންޓް'، އެންމެ ހެޔޮ އަގުގައި މޯލްޑިވް ގޭސްއިން
ޔާމީން އަދިވެސް ނުފެނޭ، ގައުމުން ބޭރަށް ގޮސްފައި ނުވާކަން ކަށަވަރު: ފުލުހުން
50 މޭލަށް ވައި ގަދަވާނެ ކަމަށް ލަފާކޮށް އުތުރާއި މެދުރާއްޖެތެރެއަށް ނެރުނު ޔެލޯ އެލާޓް ދަންމާލައިފި
ހާއްސަ މެސެޖަކާއެކު، މަގުމަތީގެ ސަލާމަތަށް ހޭލުންތެރިކުރުވުމަށް ފުލުހުންގެ ހާއްސަ ހަރަކާތްތަކެއް
