ވައިގެމަގުން ރާއްޖެ އެތެރެކުރަން އުޅުނު ކިލޯއެއްގެ މަސްތުވާތަކެތި އަތުލައިގަނެފި

ކަސްޓަމްސް އިން ބުނިގޮތުގައި ވައިގެ މަގުން ރާއްޖެއަށް އެތެރެކުރަން އުޅެނިކޮށް އަތުލައިގަނެފައިވަނީ މަސްތުވާތަކެތީގެ ބާވަތެއްކަމުގައިވާ ކެނަބިސްއެވެ.

ވެލާނާ އިންޓަނޭޝަނަލް އެއާޕޯޓު (ވީއައިއޭ)އިން މިއަދު އަތުލައިގަތް އެ ތަކެތީގެ ބަރުދަނުގައި 1097 ގުރާމް ހުރިކަމަށް ކަސްޓަމްއިން ބުނެފައިވެއެވެ.

އެ އިދާރާއިން ބުނިގޮތުގައި މި ތަކެތީގެ މަގުމަތީ އަގަކީ 877,600 ދިވެހި ރުފިޔާއެވެ.

މި މައްސަލައާ ގުޅިގެން މީހަކު ހައްޔަރުކުރެވުނު ކަމެއް ނުވަތަ ނޫންކަމެއް ހާމަކޮށްފައެއްނުވެއެވެ.