ރޯދަމަހު އެޗްޑީސީގެ ކަސްޓަމާ ކެއާގެ ޚިދުމަތް ދޭ ގަޑިތަކަށް ބަދަލު ގެނެސްފި

ކުރިޔަށް އޮތް ރަމަޟާން މަހު އެޗްޑީސީގެ ކަސްޓަމާ ކެއާގެ ޚިދުމަތް ދޭ ގަޑިތައް އެ ކުންފުނިން އާންމުކޮށްފިއެވެ. މިގޮތުން ރަމަޟާން މަހު ކޯލް ސެންޓަރުގެ ޚިދުމަތް މެންދުރު 12:00 އިން 13:00 އަށް އަދި 18:00 އިން 19:00 އަށް ބަންދު ކުރާނެ ކަމަށް އެ ކުންފުނިން ބުނެފައިވެއެވެ.

އެޗްޑީސީން މަޢުލޫމާތު ދީފައިވާ ގޮތުގައި، ކޯލް ސެންޓަރުގެ ޚިދުމަތް 24 ގަޑިއިރު ފޯރުކޮށްދެމުން ދިޔަ ނަމަވެސް، ރޯދަމަހު ނަމާދު ގަޑިތަކަށާއި ރޯދަ ވީއްލާ ވަގުތުގައި މި ޚިދުމަތް ވަގުތީގޮތުން މެދުކަނޑާލެވޭނެއެވެ. އަދި ރަސްމީ ބަންދު ނޫން ކޮންމެ ދުވަހަކު އިންފޮމޭޝަން ކައުންޓަރުގެ ޚިދުމަތް ހެނދުނު 9:00 އިން 14:00 އަށް ލިބޭނެއެވެ.

ހަމައެއާއެކު، ފައިނޭންސް ކައުންޓަރުގެ ޚިދުމަތް ލިބޭނީ ހެނދުނު 9:30 އިން މެންދުރު 13:00 އަށް ކަމަށް އެ ކުންފުނިން ހާމަކޮށްފައިވެއެވެ. އެޗްޑީސީގެ ކަސްޓަމާ ކެއާ ޔުނިޓުން ފޯރުކޮށްދޭ ޚިދުމަތްތަކުގެ ތެރޭގައި ފްލެޓްތަކާ ގުޅޭ މަޢުލޫމާތު ދިނުމާއި، ފްލެޓަށް އެދި ހުށަހަޅާ ފޯމުތަކާ ގުޅޭ އެހީތެރިކަން ފޯރުކޮށްދިނުން ހިމެނެއެވެ.

އެޗްޑީސީއަކީ ދިވެހިރާއްޖޭގެ ބޯހިޔާވަހިކަމުގެ ދާއިރާގައި މުހިންމު ދައުރެއް އަދާކުރާ ސަރުކާރުގެ ކުންފުންޏެކެވެ. އެޗްޑީސީއިން ކަސްޓަމާ ކެއާގެ ޚިދުމަތް ފަށައި ކަސްޓަމަރުންނަށް ފަސޭހައިން ގުޅޭނެ ގޮތްތައް ހަމަޖައްސާފައިވާއިރު، ކަސްޓަމަރުންގެ ޝަކުވާތަކަށް އަވަސް ޙައްލު ހޯދައިދިނުމަށް ޚާއްޞަ އަހައްމިއްޔަތުކަމެއް ދެއެވެ.