މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ: ސްޓެލްކޯ

މާލޭގެ ބައެއް ސަރަހައްދުތަކުން މިއަދު ކަރަންޓު ކެނޑިދާނެ ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ)އިން ބުނެފިއެވެ.

ސްޓެލްކޯއިން ދީފައިވާ މައުލޫމާތުގައިވާ ގޮތުން، ހެނދުނު 10:00 އާއި 12:00 އާ ދެމެދު ހުވަފެނީ ގޯޅި، ކޮއިމަލާ ހިނގުން، ލޮނުޒިޔާރަތްމަގު، ދޮންއަދަރާދަ ހިނގުން، ބަނަފްސާ މަގު، ރުއްކެނޑިޔާ ހިނގުން އަދި ބޮޑުރަސްގެފާނު މަގު ހިމެނޭ ސަރަހައްދުތަކުން ކަރަންޓު ކެނޑިދާނެއެވެ.

އަދި ހެނދުނު 11:00 އާއި 11:30 އާ ދެމެދު ލޮނުޒިޔާރަތްމަގު، ބުރުޒުމަގު، އަމީނީމަގު އަދި ދޮންއަނދަރާދަ ހިނގުން ހިމެނޭ ސަރަހައްދުތަކުން ކަރަންޓު ކެނޑިދާނެ ކަމަށް ވެސް ސްޓެލްކޯއިން ވަނީ ބުނެފައެވެ.

މީގެއިތުރުން، މެންދުރުފަހު 2:00 އިން ފެށިގެން ހަވީރު 4:00 އާ ދެމެދު އިސްކަންދަރުމަގު، އެނބޫ ގޯޅި އަދި ގުލާލާ ގޯޅި ހިމެނޭ ސަރަހައްދުތަކުން ވެސް ކަރަންޓު ކެނޑިދާނެ ކަމަށް ވެސް އެކުންފުނިން ބުނެފައިވެއެވެ.

ސްޓެލްކޯއިން ބުނިގޮތުގައި މި ސަރަހައްދުތަކުން ކަރަންޓު ކެނޑޭނެކަމަށް ލަފާ ކޮށްފައިވަނީ ކަރަންޓު ވިއުގަ އަޕްގްރޭޑް ކުރުމުގެ މަސައްކަތެއް ކުރާތީއެވެ.

ކަރަންޓު ކެނޑުމުގެ ސަބަބުން ރައްޔިތުންނަށް ދިމާވެދާނެ ދަތިތަކަށް ސްޓެލްކޯއިން ވަނީ މަޢާފަށް އެދިފައެވެ. އަދި މި މަސައްކަތަކީ ކަރަންޓުގެ ޚިދުމަތް އިތުރަށް ރަނގަޅު ކުރުމަށް ކުރެވޭ މަސައްކަތެއް ކަމަށް ވެސް ސްޓެލްކޯއިން ފާހަގަކޮށްފައިވެއެވެ.