މާލޭގެ ދެ ގޭންގެއްގެ ދެމެދުގައި ހިނގަމުންދާ ސިލްސިލާ މާރާމާރީތަކާ ގުޅިގެން، ގަސްތުގައި މީހަކު މަރާލަން ރޭވިކަމުގެ ތުހުމަތުގައި 21 އަހަރުގެ ޒުވާނަކު މޯލްޑިވްސް ޕޮލިސް ސަރވިސް އިން ހައްޔަރުކޮށްފިއެވެ.
ހައްޔަރުކުރެވުނު ފަރާތަކީ އަބްދުﷲ އުދައްޔު (21 އަހަރު) ކަމަށް ފުލުހުން މައުލޫމާތު ދީފައިވެއެވެ. މި މައްސަލައިގައި އޭނާގެ ބަންދުގެ މުއްދަތު ކަނޑައެޅުމަށް ބޭއްވުނު ބަންދު މަޖިލީހުގައި ފުލުހުން ހާމަކުރި މައުލޫމާތުތަކަށް ބަލާއިރު، އުދައްޔުއަކީ މާލޭގައި މިވަގުތު ހަރަކާތްތެރިވަމުންދާ ވަކި ގޭންގަކަށް ނިސްބަތްވާ މީހެއްކަން އެނގެއެވެ.
ފުލުހުން ދިން މައުލޫމާތުގައި، އުދައްޔު ނިދަން ގޮސްއުޅެނީ އޭނާގެ ގޭންގުން ސޭފްހައުސްއެއްގެ ގޮތުގައި ބޭނުންކުރާ ގެއަކަށް ކަމަށާއި، އޭނާއަކީ އިދިކޮޅު ގޭންގުގެ މެންބަރުން "ލޮކޭޓް" ކުރުމުގެ މަސައްކަތުގައި އަމަލީގޮތުން ހަރަކާތްތެރިވާ މީހެއްކަން ފާހަގަކޮށްފައިވެއެވެ.
މީގެ އިތުރުން، އުދައްޔުއަކީ މީގެ ކުރިންވެސް އޭނާ ނިސްބަތްވާ ގޭންގުގެ އެހެން މެންބަރުންނާއެކު ހައްޔަރުކުރެވިފައިވާ މީހެއްކަން ފުލުހުން ފާހަގަކޮށްފައިވެއެވެ. މިވަގުތު މާލޭގައި ހިނގަމުންދާ ގޭންގު މާރާމާރީތަކުގައި އޭނާގެ ދައުރެއް އޮތްކަމަށް ފުލުހުން ތުހުމަތުކުރެއެވެ.
ފްލެޓް ލިސްޓަށް މިހާތަނަށް 1500 އަށްވުރެ ގިނަ ޝަކުވާ ހުށަހަޅައިފި
ރަސްދޫގައި ފިހުނު ދެމަފިރިންނަށް އައިޖީއެމްޗްގައި ފަރުވާ ދެނީ
ޢީދު ބަންދުގައި ބްލަޑް ސަރވިސަސްއިން ޚިދުމަތް ދޭނެ ގަޑިތައް އާއްމުކޮށްފި
އިސްރާއީލްގެ އިދިކޮޅު ލީޑަރު އަވަސް އިންތިޚާބަކަށް ގޮވާލައިފި
