މިއަހަރުގެ މޯލްޑިވްސް ޓްރެވަލް ކޮންފަރެންސް އައްޑޫގައި ބާއްވަނީ

މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން މޯލްޑިވްސް ޓްރެވަލް ކޮންފަރެންސް 2025، ވިމެންސް އެޑިޝަން އައްޑޫސިޓީގައި، ބޭއްވުމަށް ނިންމައިފިއެވެ.

މި ކޮންފަރެންސް ބޭއްވުމަށް ނިންމާފައިވަނީ މި މަހުގެ 25 ވަނަ ދުވަހު، އިކުއޭޓަރ ވިލެޖްގައެވެ.

ކޮންފަރެންސްގައި ޚާއްސަ ޕެނަލް ޑިސްކަޝަނެއްވެސް ކުރިއަށްދާއިރު މި ޕެނަލްގައި މައިގަނޑު ދެ މައުޟޫއަކަށް އަލިއަޅުވާލެވޭނެއެވެ. އޭގެތެރޭގައި އައްޑޫގައި އަންހެނުންނަށް ހުރި ފުރުޞަތުތައް، ފަތުރުވެރިކަމުގެ ދާއިރާގެ ވަޒީފާތައް ހަމައެކަނި ރިސޯޓުތަކަށް ހަނިވެފައި ނުވުން، އަދި މަސައްކަތްކުރާ އަންހެނުންނާމެދު މުޖުތަމަޢުގައި އޮންނަ ނޭދެވޭ ނަޒަރު ބަދަލުކުރުން، ހިމެނެއެވެ.

މޯލްޑިވްސް އެސޯސިއޭޝަން އޮފް ޓްރެވަލް އޭޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ފުރަތަމަ ފަހަރަށް ބާއްވާ "މޯލްޑިވްސް ޓްރެވަލް ކޮންފަރެންސް" ވިމެންސް އެޑިޝަން ބޭއްވި މިދިޔަ އަހަރުގައެވެ.