އާރުޑީސީގެ މުވައްޒަފުންނަށް ފަޔަރ އެވެއަރނެސް ޕްރޮގްރާމެއް ކުރިއަށް ގެންގޮސްފި

އާރުޑީސީގެ މުވައްޒަފުންނަށް، އެމްއެންޑީއެފް ފަޔަރ އެންޑް ރެސްކިޔު ސަރވިސްއިން، ބޭސިކް ފަޔަރ އެވެއަރނެސް ޕްރޮގްރާމެއް ކުރިއަށް ގެންގޮސްފިއެވެ.

އާރުޑީސީގެ ސައިޓުގައި މިއަދު ކުރިއަށްގެންދިޔަ މި ކުލާހުގައި ކިޔަވައިދިން ބައިތަކުގެ ތެރޭގައި، އަލިފާން ރޯވާން ދިމާވާ ސަބަބުތަކާއި، އަލިފާން ރޯވާގޮތާއި، އަލިފާން ފެތުރޭގޮތާއި، އަލިފާންނިވި ބޭނުން ކުރާނެ ގޮތުގެ އިތުރުން އަލިފާން ނިއްވާނެ ގޮތް ހިމެނެއެވެ.

މީގެ އިތުރުން އަލިފާނުގެ ހާދިސާއެއް ހިނގައިފިނަމަ އަމަލުކުރާނީ ކިހިނެއް ކަމާއި، ފަޔަރ ސޭފްޓީ އިކުއިޕްމަންޓް ބޭނުން ކުރާނެ ގޮތާއި، ބުލޭންކެޓް އަޅައިގެން އަލިފާން ނިއްވާނެ ގޮތުގެ ފަރިތަކުރުންތައް ވަނީ ކުރިއަށްގެންގޮސްފައެވެ.

އާރުޑީސީގެ މުވައްޒަފުންނަށް، ހިންގި މި ފަޔަރ އެވެއަރނެސް ކުލާހުގައި އެ ކުންފުނީގެ 48 މުވައްޒަފުން ބައިވެރިވިއެވެ.