ބޭންކް އޮފް މޯލްޑިވްސްގެ ސްޓާޓަޕް ގްރާންޓް 2024 ވަނަ އަހަރު ލިބޭ ދެ ވިޔަފާރި ހޮވައިފިއެވެ.
ބީއެމްއެލް ސްޓާޓަޕް ގްރާންޓަކީ އުފެދެމުން އަންނަ ވިޔަފާރިވެރިންނަށް ވިޔަފާރިއެއް ފެށުމަށް ނުވަތަ ކުރިއެރުވުމަށް ހިލޭ އެހީގެ ގޮތުގައި 500،000 (ފަސް ލައްކަ) ރުފިޔާ ދެމުންއަންނަ ފަންޑެކެވެ. މި އަހަރު މި ގްރާންޓް ކާމިޔާބުކުރި ދެ ވިޔަފާރިވެރިންނަކީ:
- 1. ނިޔާފް މުހައްމަދު (ވިޔަފާރީގެ ނަން: ދަ އިލެންޑް ފެކްޓްރީ)
- ރާއްޖޭގައި ތައްޔާރުކުރާ މަހުގެ އުފެއްދުންތަކުގެ ސިނާއަތަށް، ފެންވަރު ރަނގަޅު، އިޖާދީ ލުއި ކާނާ އުފެއްދުމަށް ފެކްޓްރީއެއް ގާއިމްކުރުން
- 2. މުހައްމަދު ޝާމިން އަލީ (ވިޔަފާރީގެ ނަން: އާފްޓަރ ސްކޫލް)
- އަމިއްލަ އަށް ފަރުމާކޮށްގެން ރާއްޖޭގައި ސްޓެމް (ސައިންސް، ޓެކްނޮލޮޖީ، އިންޖީނިއަރިން، މެތަމެޓިކްސް) ކިޓު ދަރިވަރުންނަށް ފޯރުކޮށްދިނުމާއި ތަމްރީނު ޕްރޮގްރާމްތައް ހިންގުން
ބީއެމްއެލް އިން ބުނީ ސްޓާޓަޕް ގްރާންޓް ކާމިޔާބު ކުރި ފަރާތްތައް ހޮވާފައިވަނީ ދެ މަރުހަލާއަކަށް ބަހާލައިގެން ގެންދެވުނު ވަރަށްވެސް ވާދަވެރި އިވެލުއޭޝަން ޕްރޮސެސްއަކަށް ފަހުގައިކަމަށެވެ. އެގޮތުން ފުރުތަމަ މަރުހަލާގައި ބިޒްނަސް ޕްލޭންތައް އިވެލުއޭޓް ކުރުމަށްފަހު އެންމެ ފާހަގަކޮށްލެވޭ 10 ފަރާތްވަނީ ޝޯޓްލިސްޓްކޮށްފައިކަމަށް ވެސް ބީއެމްއެލް އިން ބުނެފައިވެއެވެ. އަދި ދެވަނަ މަރުހަލާގައި ޝޯޓް ލިސްޓްވި ފަރާތްތަކުން އެފަރާތުގެ ވިޔަފާރިއާ ގުޅޭ ޕްރެސެންޓޭޝަން އިވެލުއޭޝަން ކޮމިޓީއަށް ހުށަހެޅުނު ކަމަށް ވެސް ބީއެމްއެލް އިން ބުންޏެވެ.
ބީއެމްއެލް އިން އުފެދެމުން އަންނަ ވިޔަފާރިތަކަށް ޖެހިޖެހިގެން ސްޓާޓަޕް ގްރާންޓް ފޯރުކޮށްދޭ މިއީ ތިންވަނަ އަހަރެވެ.
ޙައްޖާއި ޢުމްރާގެ މަޝްވަރާ ނިންމަވާލެއްވުމަށްފަހު ޑރ. ޝަހީމް ރާއްޖެވަޑައިގެންފި
އަހަރުގެ މިހާތަނަށް އެންމެ ގިނައިން ރިޕޯޓުކޮށްފައި ވަނީ ވައްކަމުގެ މައްސަލަ
އިންޑިއާގައި ޑޮކްޓަރަކު ރޭޕްކުރުން: ފަސް މަސް ފަހުން އެކެއްގެ މައްޗަށް ކުށް ސާބިތުވެއްޖެ
މާލޭގައި ކުރިއަށްގެންދިޔަ ކުރަނގި އޮޕަރޭޝަންގައި 1455 ބިދޭސީންގެ މައުލޫމާތު އެއްކޮށްފި
