އަލިފާނުގެ ހާދިސާއާ ގުޅިގެން އަމީނީ މަގުގެ ބަޔަކާއި ހަވީރު ހިނގުމުގެ ބައެއް ބަންދުކޮށްފި

އިއްޔެ ހެނދުނު ހިނގި އަލިފާނުގެ ހާދިސާއާ ގުޅިގެން އަމީނީ މަގާއި ހަވީރީ ހިނގުމުގެ ބައެއް ބަންދުކޮށްފިއެވެ.

ފުލުހުން މިއަދު ބުނީ އަލިފާނުގެ ހާދިސާއާ ގުޅިގެން ޓްރެފިކް ފްލޯއަށް ބަދަލު ގެނެސްފައިވާކަމަށެވެ.

މިގޮތުން އާއްމު ޓްރެފިކަށް ބަންދު ކުރެވޭ ސަރަހައްދުގެ ގޮތުގައި އަމީނީ މަގު އަލިފާނުގެ ހާދިސާ ހިނގި މަގުގެ ސަަރަހައްދާއި، ހަވީރީ ހިނގުމުގެ ސަރަހައްދެއް ވަނީ ބަންދު ކޮށްފައެވެ.

މ. ގްރީން ބިލްޑިންގގައި ހިނގި އަލިފާނުގެ ހާދިސާއާ ގުޅިގެން ޓްރެފިކް ފްލޯއަށް ގެނެވޭ ބަދަލު. pic.twitter.com/GE13HC6UdS

— Maldives Police (@PoliceMv) December 13, 2024

އިއްޔެ ހެނދުނު 6:25 ހާއިރު، އަލިފާން ރޯވި އިމާރާތަކީ ދައުލަތުގެ ތިން ވުޒާރާއެއް ހިންގަމުން އަންނަ އިމާރާތެކެވެ. ކޮންސްޓްރަކްޝަން މިނިސްޓްރީ އަދި އެންވަޔަރަމަންޓް މިނިސްޓްރީވެސް ހިންގަނީ އެ އިމާރާތުގައެވެ.

މިކަމާއި ގުޅިގެން އެ ތިން މިނިސްޓްރީގެ މަސައްކަތްތައް ދަރުބާރުގެއަށް ބަދަލު ކުރުމުގެ މަސައްކަތް މިހާރު ވަނީ ފަށައިފައެވެ.

ދަރުބާރުގޭގައި ތިން މިނިސްޓްރީއަށް ބޭނުންވާ އޮފީސް ސެޓަޕް ހެދުމުގެ މަސައްކަތް ތިން މިނިސްޓްރީގެ މުވައްޒަފުންގެ އިތުރުން ސަރުކާރުގެ ބައެއް ކުންފުނިތަކުގެ މުވައްޒަފުން ވެސް ބައިވެރިވެގެން މިހާރު އަންނަނީ ކުރަމުންނެވެ. މައުލޫމާތު ލިބިފައިވާ ގޮތުގައި ސަރުކާރުން މަސައްކަތް ކުރަމުން އަންނަނީ އަންނަ ހަފްތާގައި ތިން މިނިސްޓްރީގެ ހިދުމަތްތައް ވެސް ދަރުބާރުގޭގައި އަލުން ފަށާށެވެ.