ދާންދޫ މަގުމަތީގައި ނިޔާވެފައި އޮތް ޒުވާނަކު ފެނިއްޖެ

ގއ. ދާންދޫ މަގުމަތީގައި ނިޔާވެފައި އޮތް ޒުވާނަކު ފެނިއްޖެއެވެ.

ދާންދޫ ކައުންސިލުން މަޢުލޫމާތު ދެއްވާ ގޮތުގައި ނިޔާވެފައި އޮތް ޒުވާނާ ފެނިފައިވަނީ މިއަދުގެ ހެނދުނުގެ ވަގުތެއްގައެވެ.

ދާންދޫ ކައުންސިލްގެ ރައީސް “ދިޔަރެސް” އަށް މަޢުލޫމާތުދެއްވަމުން ވިދާޅުވީ ޒުވާނާ ފެނިފައިވަނީ އެރަށު އިންޖީނުގޭ ކައިރިން ކަމަށެވެ.

އަދި މި ޒުވާނާ މިހާރު ހެލްތް ސެންޓަރަށް ގެންދެވިފައިވާ ކަމަށާއި ފުލުހުން ހަރަކާތްތެރިވަމުންދާކަމަށްވެސް ކައުންސިލް ރައީސް ފާހަގަކުރެއްވިއެވެ.