ލިތުއޭނިއާގެ ވިލްނިއުސް އެއާޕޯޓާ ކައިރީގައި ހުރި ދެ ބުރި އިމާރާތަކަށް ޑީއެޗްއެލްގެ ކާގޯ މަތިންދާބޯޓެއް ވެއްޓި، މުވައްޒަފަކު މަރުވެ އަދި ދެ މުވައްޒަފަކަށް އަނިޔާވެއްޖެއެވެ.
އެ ޤައުމުގެ އޮތޯރިޓީތަކާއި ޕަބްލިކް ސަރވިސް ބްރޯޑްކާސްޓަރ އެލްއާރްޓީން ހާމަކޮށްފައިވާ ގޮތުގައި މި ހާދިސާ ހިނގާފައިވަނީ ފަތިހު 5:31 ގައެވެ. މަތިންދާބޯޓު ވެއްޓުމާއެކު ބޮޑު އަލިފާންގަނޑެއް ރޯވިއެވެ. ކުއްލި ނުރައްކަލުގެ ޚިދުމަތްތައް އަވަހަށް ސަރަޙައްދަށް އައިސް އަލިފާން ނިއްވާލިއެވެ.
އިމާރާތުގައި ދިރިއުޅުނު މީހުންނަށް އެއްވެސް ގެއްލުމެއް ނުވާކަމަށާއި، ޕައިލެޓަށްވެސް އެއްވެސް އަނިޔާއެއް ނުވާކަމަށް ވަނީ ބުނެފައެވެ. ނަމަވެސް މަތިންދާބޯޓުގައި ތިބި އެހެން ތިން މުވައްޒަފުންނަށް ވަނީ ބޮޑެތި އަނިޔާތަކެއް ލިބިފައެވެ.
ލިތުއޭނިއާގެ ސަލާމަތީ ޚިދުމަތްތަކުގެ އިސްއޮފިޝަލަކު އެލްއާރްޓީއަށް ބުނެފައިވަނީ ދެ މީހަކު ވަނީ ހޮސްޕިޓަލަށް ގެންގޮސްފައި، ކަމަށާއި، އެކަކު ވަނީ މަރުވެފައިކަމަށެވެ.
މި އަހަރުގެ ޖުލައި މަހު، ޖަރުމަނުވިލާތާއި އިނގިރޭސިވިލާތުގައި ހުރި ޑީއެޗްއެލްގެ ލޮޖިސްޓިކްސް ހަބްތަކުގައި ހުރި ގޮވާ އެއްޗެހިތަކެއް ފެނުމާ ގުޅިގެން ބައިނަލްއަޤްވާމީ ތަޙުޤީޤުތަކެއް ކުރިއަށް ގެންދެވުނެވެ.
ފްލެޓް ލިސްޓަށް މިހާތަނަށް 1500 އަށްވުރެ ގިނަ ޝަކުވާ ހުށަހަޅައިފި
ރަސްދޫގައި ފިހުނު ދެމަފިރިންނަށް އައިޖީއެމްޗްގައި ފަރުވާ ދެނީ
ޢީދު ބަންދުގައި ބްލަޑް ސަރވިސަސްއިން ޚިދުމަތް ދޭނެ ގަޑިތައް އާއްމުކޮށްފި
އިސްރާއީލްގެ އިދިކޮޅު ލީޑަރު އަވަސް އިންތިޚާބަކަށް ގޮވާލައިފި
