Saturday 15th Feb 2025
English Edition
ހަބަރު ރިޕޯޓް ލައިފް ސްޓައިލް ދުނިޔެ ކުޅިވަރު ވިޔަފާރި މުނިފޫހިފިލުވުން ކޮލަމް ދީން
އެމްބަސީ

އިޓަލީގައި ދިވެހިރާއްޖޭގެ އެމްބަސީއެއް ހުޅުވަނީ

ދިވެހިރާއްޖޭގެ އެމްބަސީއެއް އިޓަލީގައި ހުޅުވަން ތައްޔާރުވަމުންދާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިކަން ހާމަކުރެއްވީ ޖުމްހޫރީ ދުވަހުގެ މުނާސަބަތުގައި ދަރުބާރުގޭގައި ރޭ ބޭއްވި ޖަލްސާގައި ވާހަކަ ދައްކަވަމުންނެވެ.

އެމަނިކުފާނު ވިދާޅުވީ އިޓަލީގައި ރާއްޖޭގެ އެމްބަސީއެއް ހުޅުވަން ދިވެހި ސަރުކާރުން އެދުމުން އެގައުމުގެ ސަރުކާރުން އެކަމަށް ހުއްދަ ދީފައިވާ ކަމަށެވެ.
އަދި މިއީ ރާއްޖޭގެ ޓޫރިޒަމަށް ފައިދާ ކުރާނެކަމެއްކަން ފާހަގަކުރައްވާ ރައީސް ވިދާޅުވީ ރާއްޖެއަށް ވިޔަފާރީގެ ދާއިރާއިން މުހިއްމު އެހެން ގައުމުތަކުގައި ވެސް އެމްބަސީތަކާއި ހައި ކޮމިޝަންތައް ހުޅުވާނެ ކަމަށެވެ.

އިޓަލީގައި ދިވެހި އެމްބަސީއެއް ގާއިމްކުރުމުގެ ތައްޔާރީތައް ސަރުކާރުން ވަމުން އަންނައިރު ރައީސުލްޖުމްހޫރިއްޔާ ޑރ. މުއިއްޒު ރައީސްކަމާއި ހަވާލުވެވަޑައިގަތުމަށްފަހު ދިވެހިރާއްޖެ އާއި އެހެން ގައުމުތަކާ އޮންނަ ގުޅުން ބަދަހި ކުރައްވަން ގިނަ މަސައްކަތްތަކެއް އަންނަނީ ކުރައްވަމުންނެވެ.

އެގޮތުން މި އަހަރުގެ ތެރޭގައި ތުރުކީގެ އަންކާރާގައި ދިވެހިރާއްޖޭގެ އެމްބަސީއެއް މިހާރު ވަނީ ގާއިމްކޮށްފައެވެ. އަދި ދާދި ފަހުން ވަނީ ތުރުކީ އާއިއެކު ފްރީ ޓްރޭޑް އެއްބަސްވުމެއްގައިވެސް ސޮއި ކޮށްފައެވެ.

މި ލިއުމާއި ގުޅޭ