ގެދޮރުވެރިޔާ ސްކީމަށް އަލުން ފޯމު ހުށަހެޅުމަށް ބުނެ ސްކޭމެއް، ސަމާލުވޭ!

ގެދޮރުވެރިޔާ ސްކީމަށް އަލުން ފޯމު ހުށަހެޅުމަށް ކަމަށް ބުނެ ސްކޭމެއް ދައުރުވަމުންދާކަމަށް ފުލުހުން މައުލޫމާތުދީފިއެވެ.

ފުލުހުން މިއަދު ނެރެފައިވާ ސަމާލެއްގައި، ހައުސިންގ ޑިވެލޮޕްމަންޓް ކޯޕަރޭޝަންގެ ނަމުގައި ސްކޭމެއް ދައުރުވަމުން ދާކަމަށް ބުނެފައިވެއެވެ. އަދި އެ މެސެޖުގައި އިރުޝާދު ދީފައި ވަނީ އެފަދަ މެސެޖެއް ލިބުނު ނަމަވެސް އެމެސެޖްގައި ހިމަނާފައިވާ ލިންކަށް ނުފިތުމަށެވެ.

ފުލުހުން އާންމުކޮށްފައިވާ ފޮޓޯގައި ފެންނަ މެސެޖުން، އެޗްޑީސީގެ ނަމުގައި ދައުރުކުރަމުންދާ މެސެޖު ފޮނުވަމުންދަނީ ވައިބަރ މެދުވެރިކޮށެވެ.

މިފަދަ މެސެޖުތަކުގައި ހިމަނާފައިވާ ލިންކުތަކަށް ފިއްތައިލުމުން، ފުރިހަމަ ކުރަން އަންނަ މައުލޫމާތުތައް ފުރިހަމަ ކޮށްފިނަމަ ބޭންކް އެކައުންޓް ނުވަތަ މީސް މީޑިއާ އެކައުންޓްތަކުގެ ކޮންޓްރޯލް ސްކޭމް ކުރާ މީހުންނަށް ލިބެއެއެވެ. އެހެންކަމުން އެމައުލޫމާތުތައް ބޭނުން ކޮށްގެން ތިމާގެ އެކައުންޓްގައި ހުންނަ ފައިސާތައް އެހެން އެކައުންޓްތަކަށް ޓްރާންސްފާކޮށް އަދި ތިމާގެ ނަމުގައި އެހެން މީހުންނާއި ވާހަކަ ދައްކައިގެން އެހެން މީހުންގެ އަތުން ވެސް ފައިސާ ހޯދައެވެ.