ދިރާސީ އާ އަހަރުގެ ކިޔެވުން އަންނަ އޭޕްރިލް މަހުގެ 6 ވަނަ ދުވަހު ފެށުމަށް ހަމަޖައްސައި އެޑިއުކޭޝަން މިނިސްޓްރީން 2025 ވަނަ އަހަރުގެ އެކަޑެމިކް ކަލަންޑަރު ނެރެފިއެވެ.
އެ މިނިސްޓްރީން ނެރެފައިވާ އެކަޑެމިކް ކަލަންޑަރު ގައި ވާ ގޮތުން، ފުރަތަމަ ޓާމް ކުރިއަށް ދާނީ 6 އޭޕްރީލް އިން 24 ޖުލައި އަށެވެ. ފުރަތަމަ ޓާމް ޓެސްޓް އޮންނާނީ ޖުލައި 5 އިން 19 އަށެވެ.
ދެވަނަ ޓާމްގެ ކިޔެވުން 10 އޯގަސްޓުގައި ފަށަން ނިންމާފައިވާއިރު، ޓާމް ނިމޭނީ ޑިސެމްބަރު 25 ގައެވެ. ދެވަނަ ޓާމް ޓެސްޓް އޮންނާނީ ޑިސެމްބަރު 6 އިން 20 އަށެވެ.
އަންނަ އަހަރުގެ ބޮޑު ޗުއްޓީ ޑިސެމްބަރު މަހު ލިބޭނެއެވެ. މަސް ދުވަހުގެ ޗުއްޓީއަށް ފަހު ދިރާސީ އާ އަހަރުގެ ކިޔެވުން 2026 ވަނަ އަހަރު ފަށާނީ 27 ޖެނުއަރީގައެވެ.
ރާއްޖޭގައި ޒަމާނުއްސުރެ އޮންނަ އުސޫލުން 2026 ވަނަ އަހަރު އެކަޑަމިކް ކަލަންޑަރަށް ބަދަލުތަކެއް ގެނެވި ދިރާސީ އަހަރު ފަށަން ނިންމާފައިވަނީ ޖެނުއަރީ މަހު ކަމަށް ސަރުކާރުން މީގެކުރިން ވެސް ވަނީ ބުނެފައެވެ.
މިކަން ކުރުމަށް ރޭވިފައިވަނީ ކުއްލިއަކަށް އެބަދަލު ގެނައުމުގެ ބަދަލުގައި ތައުލީމީ ކަލަންދަރަށް މަދުމަދުން ގެނެވޭ އިސްލާހުތަކާ އެކުގައި މިކަމަށް ހައްލު ލިބޭ ގޮތަށް އަދި މިކަމުގެ ސަބަބުން ދަރިވަރުންގެ ކިޔެވުމަށް ބޮޑެތި ގޮންޖެހުންތަކެއް ކުރިމަތި ނުވާނޭ ގޮތެއްގެ މަތީންނެވެ.
ކުރުދީ ހަނގުރާމަވެރިންގެ ބޮޑު ބިންގަރާހެއް ސީރިއާއިން ހޯދައިފި
އަލިފާނުގެ ހާދިސާއާ ގުޅިގެން ރެެހެންދި އެވޯޑު ހަފްލާ ފަސްކޮށްފި
އިޔާދަކުރަނިވި ހަކަތައިގެ ލަނޑުދަނޑިތައް ހާސިލްކުރަން އެހީ ބޭނުންވޭ: ޒަމީރު
އޮންލައިންކޮށް ހުށަހަޅާ ޕާސްޕޯޓުތައް ހުޅުމާލެއިން ނެގޭނެ އިންތިޒާމް ހަމަޖައްސައިފި
