އިންޑިއާގެ އެންމެ ބޮޑު އިދިކޮޅު ޕާޓީ ކަމުގައިވާ ކޮންގްރެސް ޕާޓީން ފާއިތުވި ސްޓޭޓް އިންތިޚާބުތަކުގައި ވޯޓު ގުނުމާ ގުޅޭގޮތުން ހުށަހެޅި ޝަކުވާތައް އިންޑިއާގެ އިންތިޚާބީ ކޮމިޝަނުން ބަލައިނުގަނެ ބޭރުކޮށްލައިފިއެވެ. އަދި މީގެ އިތުރުން މިފަދަ "އަސާސެއްނެތް" ޝައްކުތައް ފާޅުކުރުމަކީ ހަމަނުޖެހުން އުފެދިދާނެ ކަމެއް ކަމަށް ބުނެ އިންތިޚާބު ކޮމިޝަނުން ވަނީ ކޮންގްރެސް ޕާޓީއަށް އިންޒާރުދީފައެވެ.
މި މައްސަލައާ ގުޅޭގޮތުން ކޮންގްރެސް ޕާޓީގެ ފަރާތުން އަދި އެއްވެސް އެއްޗެއް ނުބުނެއެވެ.
އިނގިރޭސީންގެ އަޅުވެތިކަމުން މިނިވަންވި ފަހުން ވޭތުވެދިޔަ 77 އަހަރުގެ ތެރެއިން 54 އަހަރު އިންޑިއާ ވެރިކަން ކޮށްފައިވާ ކޮންގްރެސް ޕާޓީއަކީ ބޮޑުވަޒީރު ނަރެންދްރަ މޯދީގެ ޕާޓީ، ބީޖޭޕީގެ އެންމެ ބޮޑު ވާދަވެރިޔާއެވެ.
މި މަހު ބޭއްވުނު އުތުރުގެ ހަރިޔާނާ ސްޓޭޓުގެ އިންތިޚާބުގައި ކޮންގްރެސް ޕާޓީ ކާމިޔާބުކުރާނެ ކަމަށް ފުޅާ ދާއިރާއެއްގައި ލަފާކުރެވުނު ނަމަވެސް، ނަތީޖާތަކުން ދައްކާގޮތުން މޯދީގެ ބާރަތިޔާ ޖަނަތާ ޕާޓީއަށް ވަނީ އަޣުލަބިއްޔަތު ލިބިފައެވެ.
އިންތިޚާބުގެ ނަތީޖާ އިއުލާންކުރުމާ އެކު، ކޮންގްރެސް ޕާޓީން ބުނީ "މުޅިން އުންމީދުނުކުރާ، އެއްގޮތަކަށްވެސް ހީވެސްނުވާ" މި ނަތީޖާ ބަލައިނުގަންނާނެ ކަމަށެވެ. އަދި ވޯޓު ގުނުމާ ގުޅޭގޮތުން މި މަހު އިލެކްޝަން ކޮމިޝަނަށް ޝަކުވާ ހުށަހެޅިއެވެ.
އިންޑިއާގެ ޤާނޫނުގެ ދަށުން، ކެންޑިޑޭޓުންނަށް ވޯޓު ގުނުމާ ގުޅޭ މައްސަލަތަކުގައި އިންތިޚާބު ކޮމިޝަނަށް ޝަކުވާ ހުށަހަޅައި ކޮމިޝަނުގެ ޖަވާބާމެދު ހިތްހަމަނުޖެހޭނަމަ، ކޯޓަށް މައްސަލަ ހުށަހެޅިދާނެއެވެ.
މިހާރު ވެރިކަމުގައި އޮތް ބަހަރަތިޔާ ޖަނަތާ ޕާޓީ (ބީޖޭޕީ) އަކީ ހިންދޫ ނެޝަނަލިސްޓް އައިޑިއޮލޮޖީއަށް ބުރަވާ ޕާޓީއެކެވެ. ބޮޑުވަޒީރު ނަރެންދްރަ މޯދީގެ ޕޮޕިއުލަރިޓީއާއެކު، ބީޖޭޕީ ވަނީ ގައުމީ އަދި ސްޓޭޓް ފެންވަރުގައި ގިނަ ކާމިޔާބީތަކެއް ހޯދާފައެވެ. ނަމަވެސް، އިންޑިއާގެ ސެކިއުލަރ އަދި ޑިމޮކްރެޓިކް އަސާސްތަކަށް ނުރައްކާވަމުންދާ ކަމަށް ބުނެ އިދިކޮޅު ފަރާތްތަކުން ބީޖޭޕީއަށް ފާޑުކިޔަމުންދެއެވެ.
މި އަހަރުގެ މިހާތަނަށް އައި ފަތުރުވެރިންގެ އަދަދު ނުވަ ލައްކައަށް
މަސައްކަތްތެރިކަމުގެ ދާއިރާ ކުރިއެރުވުމަށް އެމްއޭސީއެލްއާއެކު މަޝްވަރާކޮށްފި
ސަރުކާރާއެކު ފަނޑިޔާރުން ބަދަލުނުވާނެ ގޮތަށް ނިޒާމް ބަދަލުކުރަން ޖެހޭ: ނަޝީދު
ލަންކާގެ ކްރޫޒް ލައިނާއަކުން ރާއްޖެ އައި 2500 އަށްވުރެ ގިނަ މީހަކަށް ކްލިއަރެންސް ދީފި
