Saturday 15th Feb 2025
English Edition
ހަބަރު ރިޕޯޓް ލައިފް ސްޓައިލް ދުނިޔެ ކުޅިވަރު ވިޔަފާރި މުނިފޫހިފިލުވުން ކޮލަމް ދީން
އެންވިރަމެންޓް ޕްރޮޓެކްޝަން އެޖެންސީ

އީއައިއޭ ރިޕޯޓު ނުހަދާ، ބޮޑު ހިލަޖެހުމުން ޖޫރިމަނާކޮށްފި

ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމެއް ނެތި, ބޮޑު ހިލަ ޖެހުމުގެ މަޝްރޫއުއެއް ކުރިއަށް ގެންދިއުމާއި ގުޅިގެން ހުރަވަޅި ބީޗް ރިސޯޓް އިންވެސްޓްމެންޓް ޕްރައިވެޓް ލިމިޓެޑް ޖޫރިމަނާކޮށްފިއެވެ.

އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ)އިން ނެރުނު ނޫސް ބަޔާނެއްގައި ބުނެފައިވަނީ ހުރަވަޅި ބީޗް ރިސޯޓް އިންވެސްޓްމެންޓް ޕްރައިވެޓް ލިމިޓެޑުން ރ. އަތޮޅު، ހުރަވަޅި ބީޗް ރިސޯޓުގެ އިރުމަތީ ފަރާތުން ފަޅު ތެރޭގައި ބޮޑު ހިލަ ޖެހުމުގެ މަޝްރޫއުއެއް ކުރިއަށް ގެންގޮސްފައިވަނީ ތިމާވެށްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމެއް ނެތިކަމަށެވެ.

އަދި ތިމާވެއްޓަށް އަސަރުފޯރާނެ މިންވަރު ބަޔާންކުރާ ރިޕޯޓް ހެދުމާބެހޭ ގަވާއިދުގެ 20 ވަނަ މާއްދާގެ (ހ) އަށް ރިއާޔަތްކޮށް އެ ގަވާއިދުގެ ޖަދުވަލު (ޖ) ގެ ދަށުން، މި ކުށަކީ އެ ގަވާއިދުގެ 20 ވަނަ މާއްދާގެ (ހ) ގައި ބަޔާންކޮށްފައިވާ ކުށްތަކުގެ ތެރެއިން ކުށެއްކަމަށް އެ ބަޔާޏުގައި ފާހަގަކޮށްފައިވެއެވެ.

އަދި މިއީ މިފަދަ ކުށެއް ކުރި ފުރަތަމަ ފަހަރު ކަމުގައިވާތީ، ހުރަވަޅި ބީޗް ރިސޯޓް އިންވެސްޓްމަންޓް ޕްރައިވެޓް ލިމިޓެޑް 20,000ރ. އިން ޖޫރިމަނާކުރަން ނިންމާފައިވާކަމަށް އީޕީއޭއިން ވަނީ ބުނެފައެވެ.

މި މަހުގެ 21 ވަނަ ދުވަހު ކޮށްފައިވާ މި ޖޫރިމަނާ 30 ދުވަހުގެ ތެރޭގައި އެ އެޖެންސީއަށް ދެއްކުމަށް އީޕީއޭއިން ވަނީ އަންގާފައެވެ.

މި ލިއުމާއި ގުޅޭ