އެމްޑީޕީގެ ވެރިކަމުގައި މިދިޔަ އަހަރު ދައުލަތުގެ ބަޖެޓުން ހަރަދުކުރުމަށް ފަހު ފިނޭންސް މިނިސްޓްރީގެ ސިސްޓަމަށް ނުވައްދާ ރެކޯޑް ނުކޮށް ހުރި މައްސަލަ ބަލަން އެމްޑީޕީގެ ސަރުކާރުގައި ޑިފެންސް މިނިސްޓަރުކަން ކުރި މާރިޔާ އަހްމަދު ދީދީ ގޮވާލައިފިއެވެ.
ދައުލަތުގެ ބަޖެޓުން ހަރަދުކުރުމަށް ފަހު ފިނޭންސް މިނިސްޓްރީގެ ސިސްޓަމަށް ނުވައްދާ ރެކޯޑް ނުކޮށް ދެ ބިލިއަންއަށް ވުރެ ގިނަ ރުފިޔާ އެބަހުރި ކަމަށާއި އެކަމުގައި އިހުމާލުވާ މީހުންގެ މައްސަލަތައް ބަލައި ފިޔަވަޅު އެޅުމުގެ މަސައްކަތް ފަށާފައިވާ ކަމަށް ސަރުކާރުން ބުނީ އިއްޔެ އެވެ.
2023 ވަނަ އަހަރުގެ ތެރޭގައި ބޭރުގެ އެހީގެ ދަށުން ހިންގާ ޕްރޮޖެކްޓްތަކަށް ބޭރުގެ މާލީ އިދާރާ ތަކުން ދޫކޮށްފައި ހުރި ދޮޅު ބިލިއަނާއި ދެ ބިލިއަން ރުފިޔާއާ ކައިރި ކުރާ އަދަދެއް މިދިޔަ އަހަރުގެ މާލީ ހިސާބުތަކުން ފެންނަން ނެތް ކަމަށް ފިނޭންސް މިނިސްޓަރ މޫސާ ޒަމީރު އިއްޔެ ވިދާޅުވިއެވެ.
ސަރުކާރުން އިއްޔެ ހާމަ ކުރި މައުލޫމާތާއި ގުޅިގެން މާރިޔާ ކުރި ޓްވީޓެއްގައި ވިދާޅުވީ ބަލަންޖެހޭކަމަށްދެކޭ މައްސަލަ ލަސްނުކޮށް ބަލަން ޖެހޭ ކަމަށެވެ. އެކަމަކު އެކަންކުރުން އެއީ މާލީ ހިސާބު، ޤާނޫނުގައިވާ ގޮތުގެމަތީން، ހާމަ ކުރަން ދައްކާ ބަހަނާއަކަށް ވެގެންނުވާނެ ކަމަށް މާރިޔާ ވިދާޅުވިއެވެ.
"އެ ފަރާތްތަކުގެ މައްސަލަތައް އަޅުގަނޑުމެން ބަލައި އެ ފަރާތްތަކާ މެދު ފިޔަވަޅު އަޅާނަން. ދައުލަތުގެ ހަރަދުތައް ބެލެހެއްޓުމުގައި ވަރަށް ބޮޑު ގޯސްތަކެއް ހަދާފައި އެބަހުރި. އެހެންވީމަ އެއީ އަޅުގަނޑުމެން އެހާ ފަސޭހައިން ދޫކޮށްލާ ކަމަކަށް ވެގެން ނުވާނެ،" އުޝާމް ވިދާޅުވި އެވެ.
އަލިފާނުގައި ގެއްލުންވި ތިން މިނިސްޓްރީ ދަރުބާރުގެއަށް
ކުރުދީ ހަނގުރާމަވެރިންގެ ބޮޑު ބިންގަރާހެއް ސީރިއާއިން ހޯދައިފި
އަލިފާނުގެ ހާދިސާއާ ގުޅިގެން ރެެހެންދި އެވޯޑު ހަފްލާ ފަސްކޮށްފި
އިޔާދަކުރަނިވި ހަކަތައިގެ ލަނޑުދަނޑިތައް ހާސިލްކުރަން އެހީ ބޭނުންވޭ: ޒަމީރު
