ފިލިޕީންސާއިއެކު ދިފާޢީ ގުޅުންތައް ބަދަހި ކުރަން މަޝްވަރާކޮށްފި

ދިވެހިރާއްޖެއާއި ފިލިޕީންސާއި ދެމެދު ދިފާޢީ ގުޅުންތައް ބަދަހިކުރުމަށް މަޝްވަރާކޮށްފިއެވެ.

ޑިފެންސް މިނިސްޓަރ ޣައްސާން މައުމޫނާއި ފިލިޕީންސްގެ ސެކެޓްރީ އޮފް ނެޝަނަލް ޑިފެންސް ގިލްބާޓޯ ތިއޮޑޯރޯ ބޭއްވެވި ބައްދަލުވުމުގައި ވަނީ ދެޤައުމުގެ ދެމެދުގައި ދިފާޢީ ދާއިރާއިން ގުޅުންތައް ބަދަހިކޮށް، ދެޤައުމުން އެއްބާރުލުން އިތުރުކުރެވޭނެ ކަންކަމާއިމެދު މަޝްވަރާކުރައްވާފައެވެ.

ފިލިޕީންސްގެ ވެރިރަށް މެނީލާގައި ބާއްވާ އޭޝިއާ ޕެސިފިކް ސަރަހައްދުގެ ޤައުމުތަކުގެ މިނިސްޓަރުން ބައިވެރިވާ ކާރިސީ ހިރާސް ކުޑަކުރުމުގެ ކޮންފަރެންސް 2024 ގައި ބައިވެރިވުމަށް ފިލިޕީންސަށް ޣައްސާން ކުރައްވަމުން ގެންދަވާ ދަތުރުފުޅުގެ ހަވާސާގައި ބޭއްވި މިބައްދަލުވުމުގައި ކުރިއަށް ދުވަސްތަކުގައި ދެޤައުމުގެ އަސްކަރިއްޔާއިން އެކި ދާއިރާތަކުގައި އެއްބާރުކުންދިނުމަށް ވަނީ މަޝްވަރާކޮށްފައެވެ.

މި ބައްދަލުވުމުގައި ދިފާޢީ ވުޒާރާގެ މިލިޓަރީ ސެކެޓްރީ ކާނަލް ހަސަން ބުޝްރީއާއި ނެޝަނަލް ޑިސާސްޓަރ މެނޭޖްމަންޓްގެ ސީއީއޯ ހިސާން ހަސަން ބައިވެރިވެލެއްވިއެވެ.