ރާއްޖެއާއި އޮތް ގުޅުން އިތުރަށް ބަދަހިކުރަން ތައްޔާރު: ޖަޕާން ބޮޑުވަޒީރު

ދިވެހިރާއްޖެއާއި ޖަޕާނާއި ދެމެދު އޮތް ސަގާފީ އެކުވެރިކަމުގެ ގުޅުން އިތުރަށް ބަދަހިކުރުމަށް ތައްޔާރަށް ހުންނެވި ކަމަށް އެގައުމުގެ އައު ބޮޑު ވަޒީރު ޝިގެރޫ އިޝިބާ ވިދާޅުވެއްޖެއެވެ.

ޝިގެރޫ އިޝިބާ މިފަދައިން ވިދާޅުވެފައިވަނީ، ޖަޕާނުގެ 102 ވަނަ ބޮޑުވަޒީރުގެ މަގާމުގެ ހުވާ އޭނާ ކުރެއްވުމުން ރައީސުލްޖުމްހޫރިއްޔާ ޑރ.މުހައްމަދު މުޢިއްޒު ފޮނުއްވި މަރުހަބާގެ މެސެޖަށް ޖަވާބު ދެއްވާ އެކްސްގައި ކުރެއްވި ޕޯސްޓެއްގައެވެ.

އެމަނިކުފާނު އިތުރަށް ވިދާޅުވީ، "ފްރީ އެންޑް އޯޕަން އިންޑޯ-ޕެސިފިކް ސްޓްރެޓެޖީ"ގެ ދަށުން ދެގައުމުގެ ގުޅުން އިތުރަށް ބަދަހިކުރުމަށް ދިވެހި ސަރުކާރާއެކު ގިނަ މަސައްކަތްތަކެއް ކުރެއްވޭނެ ކަމަށް އުންމީދު ކުރައްވާކަމަށެވެ.

ކުރީގެ ބޮޑުވަޒީރު ފުމިއޯ ކިޝިދާ މަގާމުން ވަކިވެވަޑައިގަތުމުން ޖަޕާނުގެ ބޮޑުވަޒީރުކަމަށް އާބޭފުޅަކަށް ވަގުތު އައިސްފައިވާކަމަށް ވިދާޅުވެ، ލިބަރަލް ޑިމޮކްރެޓިކް ޕާޓީގެ ފަރާތުން ޖަޕާނުގެ ދިފާއީ ވަޒީރުކަން ކުރައްވާފައިވާ ޝިގެރޫ ކިޝިބާގެ ލީޑަރު ކަމުގައި އިންތިހާބު ކާމިޔާބުކުރެއްވިއެވެ.