ދިވެހިރާއްޖޭގައި ޓެލެމެޑިސިންގެ ޚިދުމަތް ތައާރަފްކުރުމުގެ މަސައްކަތް ކުރަމުންދާކަމަށް ހެލްތް މިނިސްޓަރ ޑރ.އަބުދުﷲ ޚަލީލް ވިދާޅުވެއްޖެއެވެ.
ޓެލެމެޑިސިންގެ ޚިދުމަތަކީ ދުރުގައި ތިބެގެން ކްލިނިކަލް ފަރުވާ ހޯދުމަށް ޑޮކްޓަރުންނާއި ވާޗުއަލްކޮށް ބައްދަލުކޮށް ޑޮކްޓަރަށް ދެއްކޭނެ އިންތިޒާމް ހަމަޖެއްސައިދޭ ޚިދުމަތެކެވެ.
މިނިސްޓަރު ޑރ.ޚަލީލް ވިދާޅުވީ ރާއްޖޭގައި ޓެލެމެޑިސިންގގެ ޚިދުމަތް ފެށުމަށްޓަކައި އެކި ފަހަރު މަތިން މީގެ ކުރިން މަސައްކަތް ކޮށްފައިވާކަން އެނގެން އެބައޮތްކަމަށާއި ނަމަވެސް އެކަން މީގެ ކުރިން ކާމިޔާބުކުރެވިފައި ނުވާކަމަށެވެ.
އެކަން މީގެ ކުރިން ކާމިޔާބު ނުވި ސަބަބުތަކުގެ ގޮތުގައި ޑރ.ޚަލީލް ފާހަގަކުރައްވާފައިވަނީ ޑޮކްޓަރުންނަށް އެކަމުގެ ޓްރެއިނިންގ ލިބިފައި ނެތުމާއި އެ ޚިދުމަތް ބޭނުންކުރާނެ ގޮތް ނޭނގުމާއި އިންޓަނެޓްގެ ޚިދުމަތް އެކަށީގެންވާ ގޮތެއްގަިއ ނުލިބުމެވެ.
"މިއަށް ޑެޑިކޭޓެޑް ޚާއްސަ ލައިނެއް ބޭނުން އެބަވޭ. ރާއްޖޭގައި މިހާރު ގާތްގަޑަކަށް ހުރިހާ ރަށަކީ 5ޖީގެ ޚިދުމަތް ލިބޭ ރަށްރަށް. ނޫނިއްޔާ ފައިބަރ ކޭބަލް އެޅިފައިހުރި ރަށްރަށް." މިނިސްޓަރު ވިދާޅުވިއެވެ.
މިނިސްޓަރު ޑރ.ޚަލީލް ވިދާޅުވީ ސިއްހީ ޚިދުމަތް ފުރިހަމަކުރުމަށްޓަކައި މިހާރު ކުރެވޭ މުހިއްމު އެއް މަސައްކަތަކީ ޓެލެމެޑިސިންގެ ޚިދުމަތުން މުޅި ރާއްޖެ ގުޅުވާލެމުގެ މަސައްކަތް ކަމަށެވެ.
އެކަމާއި ގުޅޭ ދިރާސާތައް މިހާރު ފަށާފައިވާކަމަށްވެސް ވިދާޅުވިއެވެ.
"ޑޮކްޓަރު އިސްތިއުފާ ދީފަ ދިޔަ ނަމަވެސް މި ނިޒާމުގެ ތެރެއިން ރައްޔިތުންނަށް ޚިދުމަތް ފޯރުކޮށްދެވޭނެ، ޚިދުމަތް ދޭން ހުރި ޑޮކްޓަރުގެވެސް މަސައްކަތްތަކަށް ފަސޭހަތަކެއް ލިބިގެންދާނެ، ކޮންމެ ތަނަކު ހުރެގެންވެސް ސިއްހީ ނިޒާމަށް ވާސިލްވެމުމަށް ފަސޭހަވާނެ" ޑރ.ޚަލީލް ވިދާޅުވިއެވެ.
މިނިސްޓަރު ވިދާޅުވިގޮތުގައި މި ޚިދުމަތުގެ ސަބަބުން ލިބޭނެ އެންމެ ބޮޑު ފަސޭހައަކީ ހުއްޓުމެއް ނެތި ސިއްހީ ޚިދުމަތް ރައްޔިތުންނަށް ފޯރުކޮށްދިނުމެވެ.
ޔާމީން އަދިވެސް ނުފެނޭ، ގައުމުން ބޭރަށް ގޮސްފައި ނުވާކަން ކަށަވަރު: ފުލުހުން
50 މޭލަށް ވައި ގަދަވާނެ ކަމަށް ލަފާކޮށް އުތުރާއި މެދުރާއްޖެތެރެއަށް ނެރުނު ޔެލޯ އެލާޓް ދަންމާލައިފި
ހާއްސަ މެސެޖަކާއެކު، މަގުމަތީގެ ސަލާމަތަށް ހޭލުންތެރިކުރުވުމަށް ފުލުހުންގެ ހާއްސަ ހަރަކާތްތަކެއް
އުދަ އަރާނެކަމަށް ލަފާކޮށް މުޅި ރާއްޖެއަށް ވައިޓް އެލާޓް
