Thauleemee dhaairaa ge therein school sports system gaaimukurumuge masaiykaiy kurany

ރާއްޖޭގެ ތަޢުލީމީ ދާއިރާގެ ތެރެއިން "ސްކޫލް ސްޕޯޓްސް ސިސްޓަމް" ޤާއިމްކޮށް ސްކޫލުގެ ތެރެއިން ކުޅިވަރު ކުޅެން ދަސްކޮށްދޭ ފަރާތްތައްވެސް ޓްރެއިންކޮށް ރިވެތި ސިފަތައް ކުދިންގެ ގައިގައި އަށަގެންނެވުމަށް ކުރަންޖެހޭ ކަންކަން ކުރައްވާނެކަމަށް ކުޅިވަރާއި ހަށިހެޔޮކަމާބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.

ވަޒީރު މިހެން ވިދާޅުވީ ނ. ހޮޅުދޫގައި ބޭއްވި، "ހޮޅުފަހި އެވޯޑު" ހަފްލާ ޝަރަފުވެރިކޮށްދެއްވައި ދެއްކެވި ވާހަކަފުޅުގައެވެ.

ވަޒީރު ވިދާޅުވީ ކުޅިވަރުގެ ތެރެއިން ކުދިންގެ ކިބައިގައި ރިވެތި އަޚްލާގު އަށަގެންނެވުމަށް ބޭނުންފުޅުވާ ކަމަށާއި ސަރުކާރުން އަދި ކުޅިވަރާބެހޭ ވުޒާރާއިންވެސް މިހާރު ކަންތައް ކުރަމުންދަނީ އެ ބީދައިން ކަމަށެވެ.

އެގޮތުން، ކުޅިވަރުގެ ޤާނޫނަށް ގެންނަ ޖެހޭ ބަދަލު ގެނެސް މުޅި ރާއްޖެ ޝާމިލްކޮށް ލާމަރުކަޒީކޮށް ކުޅިވަރުތައް ކުރިއަރުވާނެ ކަމަށް ވިދާޅުވިއެވެ. އަދި ރާއްޖޭގެ ތަޢުލީމީ ދާއިރާގެ ތެރެއިން "ސްކޫލް ސްޕޯޓްސް ސިސްޓަމް" ޤާއިމްކޮށް ސްކޫލުގެ ތެރެއިން ކުޅިވަރު ކުޅެން ދަސްކޮށްދޭ ފަރާތްތައްވެސް ޓްރެއިންކޮށް ރިވެތި ސިފަތައް ކުދިންގެ ގައިގައި އަށަގެންނެވުމަށް ކުރަންޖެހޭ ކަންކަން ކުރައްވާނެކަމަށް ވަޒީރު ވިދާޅުވިއެވެ.

"އޭގެ ތެރޭގައި ސާފުތާހިރުކަމާއި ގަޑިއަށް ހުރުމަތްތެރިކޮށް ހިތުމާއި އެކެއް އަނެކަކަށް އިހުތިރާމް ކުރުމާއި ތިމާއަށްވުރެ ބޮޑެތި މީހުންނަށް އިހުތިރާމްކޮށް ކޯޗުންގެ އިރުޝާދު އަޑުއަހައި އަދި ހަމައެއާއެކު ޓީމެއްގެ ގޮތުގައި މަސައްކަތް ކުރަން ދަސްކޮށްދިނުމާއި ކުޅިވަރުގައި މޮޅުވުމާއި ބަލިވުމާއި މިކަންކަމަކީވެސް ގަބޫލުކުރަންޖެހޭ ކަމާއި ނަފްސާނީ ދުޅަހެޔޮކަން ކުޅިވަރުގެ ތެރެއިން ގެނައުމާއި މި ހުރިހާކަމެއް ކުޅިވަރުގެ ތެރެއިން ކުއްޖާގެ ގައިގައި ޖެއްސުން. މިއީ ކުޅިވަރުގެ ތެރެއިން އަޅުގަނޑުމެންގެ ސޮސައިޓީއަށް އަޅުގަނޑުމެންނަށް ކޮންޓްރިބިއުޓް ކުރެވޭނެ ކަންތައްތައް،"

ވަޒީރު ޢަބްދުﷲ ރާފިޢު

ވަޒީރު ވިދާޅުވީ މިފަދަ ކަންކަމަކީ އިންސާނާ ރަނގަޅު މީހެއްގެ ގޮތުގައި ތަރުބިއްޔަތުވުމަށް ކުރެވޭނެ މުހިންމު ކަންތައްތަ ކަމަށެވެ. އަދި ކުޅިވަރަކީވެސް އެހެނިހެން މާއްދާތަކާއެއްގޮތަށް މުހިންމު މާއްދާއެއްގެ ގޮތުގައި ހަދަން ބޭނުންފުޅުވާ ކަމަށްވެސް ވިދާޅުވިއެވެ.