ވޭސްޓް މެނޭޖްމެންޓް ކޯޕަރޭޝަން (ވެމްކޯ) ގެ ހަރަދުތައް 40 މިލިއަނުން 12 މިލިއަނަށް ކުޑަކުރެވިފައިވާ ކަމަށް އެ ކުންފުނީގެ މެނޭޖިން ޑިރެކްޓަރު މުޖުތަބާ ޖަލީލު ވިދާޅުވެއްޖެ އެވެ.
މުޖުތަބާ މިފަދައިން ވިދާޅުވީ ޕީއެސްއެމްގެ ޕްރޮގްރާމެއްގައެވެ. މި ޕްރޮގްރާމްގައި މުޖުތަބާ ވިދާޅުވީ މި ސަރުކާރުން ވެމްކޯއާއި ހަވާލުވީ 160 މިލިއަނުގެ ދަރަންޏާއި އެކު ކަމަށާއި ވުމާއެކު މިހާރު އެންމެ ބޮޑު ސަމާލުކަމެއް ދެނީ ކުންފުނި ދަރަނިން ސަލާމަތް ކުރުމަށް ކަމަށެވެ.
އެގޮތުން މި އަހަރުގެ ދެވަނަ ކުއާޓާއާ ހަމައަށް އައިއިރު ވެމްކޯ އޮޕަރޭޓް ކުރުމުގެ ހަރަދުތައް 46 އިންސައްތަ ކުޑަކޮށްފައިވާ ކަމަށާއި އޭގެ މާނައަކީ ކުރިން ހަރަދު ކުރިވަރަށް ވުރެ ގާތްގަނޑަކަށް 40 މިލިއަނުން 12 މިލިއަނަށް ތިރިކުރެވުނީ ކަމަށް މުޖުތަބާ ވިދާޅުވިއެވެ.
މިހާ ބޮޑު ކުރިއެރުމެއް ގެނެވިފައި މިވަނީ އެކިއެކި ސާވިސްތައް އިންޓްރޮޑިއުސްކޮށް ރިސޯސްތަކެއް ޔުޓިލައިޒްކޮށް ކުރިއަށް ގެންދިއުމުން ކަން މުޖުތަބާ ފާހަގަކުރެއްވިއެވެ.
އެ ކުންފުނީގެ ހިންގުން ހަރުދަނާކޮށް ރައްޔިތުންނަށާއި ގައުމުގެ ހުރިހާ ސެކްޓާއެއްގެ ކުންޏާއި ގުޅޭ ހިދުމަތްތައް އިތުރަށް ފުރިހަމަކުރުމަށް ކުންފުނީން ގިނަ ގުނަ މަސައްކަތްތަކެއް ކުރަމުން އަންނަ ކަމަށް ވެސް ވިދާޅުވިއެވެ. އެގޮތުން މި ހިދުމަތްތަކާއި އެކު ކުންފުނީގެ މާލީ ހާލަތަށްވެސް ރަނގަޅު ބޮޑެތި ބަދަލުތަކެއް އަންނާނޭ ކަން ފާހަގަކުރައްވައި މުޖުތަބާ ވިދާޅުވީ މިހާރު ފަށާފައިވާ ފޮޅާ ސާފު ކުރުމުގެ މަސައްކަތާއި ރެސޯޓުތަކުން ކުނި ނެގުމުގެ ހިދުމަތުން އެކުންފުންޏަށް މާލީ ގޮތުން ބޮޑެތި ފައިދާތަކެއް ލިބިގެންދާނެ ކަމަށެވެ.
އޭގެ އިތުރުން މުޖުތަބާ ވިދާޅުވީ މިހާރު ފަށާފައިވާ ފޮޅާ ސާފުކުރުމުގެ މަސައްކަތުގައި 6 ކުންފުންޏަކުން ރަޖިސްޓްރީ ކޮށްފައިވާ ކަމަށާއި މިހާރު އިތުރު ކުންފުނިތަކާއިވެސް މަޝްވަރާތައް ކުރިޔަށްދާ ކަމަށެވެ. އަދި މި ހިދުމަތުން ލިބޭ އާމްދަނީ އިނީޝިއަލް ސްޓޭޖުގައި ނުވަތަ ކުރީކޮޅުގައި 7 މިލިއަން ރުފިޔާއަށް އަރާނެ ކަމަށް ލަފާކުރެވޭ ކަމަށެވެ.
ވެމްކޯ އިން އެންމެ ފުރަތަމަ އައީ މާލެ ސަރަހައްދުގައި ކުނި ނެގުމުގެ މަސައްކަތް ކުރަމުންނެވެ. އެ ކުންފުނީގެ ހިދުމަތް އައްޑޫ އަދި ފުވައްމުލައް ސިޓީ އަށް ފުޅާކޮށް އެތަން ތަނުގައި ވެސް އަންނަނީ އެ ކުންފުނިން ހިދުމަތް ދެމުންނެވެ. މީގެ އިތުރުން އަދި ހޮބާގެ ނަމުގައި ފޮޅާ ސާފުކުރުމުގެ ހިދުމަތް ފަށައި 6 ކުންފުންޏަކަށް މިހާރުވެސް އެހިދުމަތް ވެމްކޯ އިން އަންނަނީ ދެމުންނެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
