ޓެކްނޮލޮޖީގެ ދާއިރާއިން އެއްބާރުލުން ދިނުމަށް ކަޒަކިސްތާނާ އެކު އެއްބަސްވުމެއްގައި ސޮއިކޮށްފި

ޓެކްނޮލޮޖީގެ ދާއިރާއިން އެއްބާރުލުން ދިނުމަށް ކަޒަކިސްތާނާއި ރާއްޖެއާ ދެމެދު އެއްބަސްވުމެއްގައި ސޮއިކޮށްފި އެވެ.

މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ހޯމް މިނިސްޓްރީގެ ސްޓޭޓް މިނިސްޓަރު ޑރ. މުހައްމަދު ކިނާނަތު އެވެ. އަދި ކަޒަކިސްތާނުގެ ފަރާތުން ސޮއިކުރެއްވީ އެ ގައުމުގެ މިނިސްޓާ އޮފް ޑިޖިޓަލް ޑިވެލޮޕްމަންޓް، އިނޮވޭޝަން އެންޑް އެރޯސްޕޭސް އިންޑަސްޓްރީ، ޒަސްލާން މަޑިޔެވް އެވެ.

މިއަދު ސޮއިކުރެވުނު މި އެއްބަސްވުމާ ގުޅޭ އިތުރު ތަފްސީލެއް މިނިސްޓްރީން އަދި ހާމަކޮށްފައެއް ނުވެ އެވެ.

ނަމަވެސް ރޭވިގެން ހިނގާ ބޮޑެތި ކުށްތަށް ތަހުގީގު ކުރުމުގައި ފުލުހުން މިހާރަށްވުރެ ކުޅަދާނަވާން، އޭއައި ބޭނުންކުރުމުގެ ގާބިލުކަން ފުލުހުންގެ ކިބައިގައި ހުންނަންޖެހޭ ކަމަށް ކޮމިޝަނާ އޮފް ޕޮލިސް އަލީ ޝުޖާއު ދާދިފަހުން ވިދާޅުވެފައިވެ އެވެ.