މެންޗެސްޓަރ ސިޓީގެ ކެންސެލޯވެސް ސައުދީ ލީގަށް

މެންޗެސްޓަރ ސިޓީއަށް ކުޅެމުން އަންނަ އުމުރުން 30 އަހަރުގެ ޖޯއާއޯ ކެންސެލޯ ސައުދީގެ އަލް ހިލާލްއަށް ވިއްކާލުމަށް ސިޓީއިން އެއްބަސްވެއްޖެއެވެ.

އަދި މިކަމާއި ގުޅޭގޮތުން ކެންސެލޯ ރަސްމީކޯށް ވަކި ގޮތެއް ނިންމާފައެއް ނުވެއެވެ. ނަމަވެސް، ސައުދީއަށް ދިޔުމަށް އޭނާ އެއްބަސްވާ ހާލަތުގައި 21.2 މިލިއަން ޕައުންޑުގެ 3 އަހަރު ދުވަހުގެ އެއްބަސްވުމެއް ގާއިމްކުރާނެކަމަށް ބެލެވެއެވެ.

ސިޓީގެ އެތިހާދް ސްޓޭޑިއަމްއަށް 5 އަހަރު ދުވަހު ކުޅުމަށް ވެފައިވާ އެއްބަސްވުން ނިންމާލުމަށް ސިޓީއިން ތައްޔާރުވަމުން އަންނައިރު ކޯޗު ޕެޕް ގުއާޑިއޯލާ މިމަހު ކުރީކޮޅު ބުނެފައިވަނީ، ކެންސެލޯއަށް ސިޓީގައި ކުރިމަގެއް އޮތްކަމަށެވެ.

60 މިލިއަން ޕައުންޑުގެ އެއްބަސްވުމެއްގެ ދަށުން ސިޓީއަށް ކުޅެން ފެށި ކެންސެލޯއަށް އެ ކްލަބުގައި އުންމީދުކުރިހާ މޮޅު ކުޅުމެއް ދެއްކޭވަރު ވެފައެއް ނުވެއެވެ. އޭނާ 2022 ވަނަ އަހަރުގައި ލޯނު އެއްބަސްވުމެއްގެ ދަށުން ބަޔާން މިއުނިކަށް ކުޅެފައިވާއިރު އޭނާ އެންމެ ފަހުން ލޯނު އެއްބަސްވުމެއްގެ ދަށުން ކުޅެފައިވަނީ ބާސެލޯނާއަށެވެ.