އިސްލާމިކް ޔުނިވާސިޓީ އޮފް މޯލްޑިވްސް (އައިޔޫއެމް) އިން ރާއްޖޭގައި ފުރަތަމަ ފަހަރަށް އިސްލާމީ ޝަރީއާ ހުއްދަކުރާ ސުކޫކް އިސްތިސްނާއު މޮޑެލްގެ ދަށުން އިމާރާތްކުރުމުގެ މަޝްރޫއަކަށް 60 މިލިއަން ރުފިޔާގެ ސުކޫކެއް ވިއްކައި، ސުކޫކުގެ ޖުމްލަ އަދަދަށް ފައިސާ ހޯދައިފި އެވެ.
އެ ސުކޫކަކީ އައިޔޫއެމްއިން ހުޅުމާލޭގައި ޓާޝަރީ ތައުލީމީ މަރުކަޒެއް އެޅުމަށް ހިންގާ ސަނާބިލް މަޝްރޫއަށް ބޭނުންވާ ފައިސާ ހޯދުމަށް ވިއްކި ސުކޫކެކެވެ.
އެ ސުކޫކު ވިއްކަން އައިޔޫއެމްއިން ރާއްޖޭގެ ކެޕިޓަލް މާކެޓުގައި އިއުލާންކުރީ މިދިޔަ 4 ޖޫންގަ އެވެ. މޯލްޑިވްސް ސްޓޮކް އެކްސްޗޭންޖުގެ ވިޔަނަ ޕޯޓަލް މެދުވެރިކޮށް އެ ސުކޫކަށް ސަބްސްކްރައިބް ކުރުމުގެ ފުރުސަތު ހުޅުވާލީ 23 ޖޫންގަ އެވެ.
މި ސުކޫކް ވިއްކާ ސުކޫކެއްގެ މޫނުމަތީ އަގު 1 މިލިއަން ރުފިޔާ ކަމަށް ކަނޑައަޅައިގެންނެވެ. ކޮންމެ ފަރާތަކުން ވެސް މަދުވެގެން ފަސް ސުކޫކު ގަންނަން ޖެހޭ ގޮތައް އުސޫލު އެކުލަވާލި ނަމަވެސް އައިޔޫއެމް އިން ބުނީ ސުކޫކު ކާމިޔާބުވީ އެންމެ ފަރާތަކުން ޖުމްލަ އަދަދު ސަބްސްކްރައިބް ކުރުމުން ކަމަށެވެ.
އައިޔޫއެމް އިން 10 އަހަރުގެ މުއްދަތަކަށް އިންސްޓޯލްމަންޓަށް ބަހާލައިގެން އެ ފަރާތަށް ފައިސާ ދައްކާނެއެވެ.
ޕްރޮޖެކްޓު ސަނާބިލްއަކީ އައިޔޫއެމްއިން ހުޅުމާލެ ސެންޓްރަލް ޕާކު ކައިރިން ގަނެފައި އޮތް ބިމެއްގައި ހުޅުމާލޭގެ ފުރަތަމަ ޓާޝަރީ ތައުލީމީ މަރުކަޒު އެޅުމަށް ހިންގާ މަޝްރޫއެކެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
