ގެއްލުނު ޒުވާނާ އާއިލާއަށް ގުޅައިފި

މާލެއިން ގެއްލިގެން ހޯދަމުން ދިޔަ ކުޅުދުއްފުށީ ޒުވާނާ ފެނިއްޖެއެވެ.

މިކަން ހާމަކޮށް ފުލުހުން ވަނީ އެކްސްގައި ޕޯސްޓެއް ކޮށްފައެވެ. މި ޕޯސްޓުގައި ފުލުހުން ބުނެފައިވަނީ އަޙްމަދު އަނިލް މުޙައްމަދު (23އ) އާއިލާއަށް ގުޅާފައިވާ ކަމަށާއި ހާލުރަނގަޅު ކަމަށް ބުނެފައިވާ ކަމަށް އާއިލާއިން ފުލުހުންނަށް މައުލޫމާތު ދީފައިވާ ކަމަށެވެ.

އަނިލް ހޯދުމަށް އިއުލާނުކޮށްފައިވަނީ މިދިޔަ ހޮނިހިރު ދުވަހުއެވެ. އެ އިއުލާނުގައި ފުލުހުން ބުނެފައިވަނީ އަނިލް މިހާރު އުޅެނީ މާލޭގައި ކަމަށާއި، އޭނާގެ ޚަބަރެއް އެންމެ ފަހުން ވެފައިވަނީ މިދިޔަ ބުރާސްފަތި ދުވަހުގެ ހެނދުނު ކަމަށެވެ.

މީހުން ގެއްލުމުގެ ރިޕޯޓު ދޭތެރެއަކުން ފުލުހަށް ހުށަހެޅި ނަމަވެސް، އާންމުކޮށް އިއުލާނު ކުރާތާ ކުޑަ ވަގުތުކޮޅެއްގެ ތެރޭގައި އެމީހުން އަމިއްލައަށް އާއިލާއަށް ގުޅައެވެ.