ޔޫނުސް ޑާކާއަށް ވަޑައިގެންނެވީ، 15 އަހަރު ވަންދެން ބަންގްލަދޭޝް ހަރުކަށި އުސޫލުތަކަކުން ވެރިކަން ކުރެއްވި ޝެއިޚް ހަސީނާ އިންޑިއާއަށް ފިއްލަވައިގެން ވަޑައިގެންނެވި ފަހުންނެވެ.
ހަސީނާ ބޮޑުވަޒިރުކަމުން އިސްތިއުފާ ދެއްވީ ހަފްތާތަކެއް ވަންދެން ދަރިވަރުން އިސްވެ ހިންގި އިހުތިޖާޖުތަކެއްގެ ތެރެއިން ހަތަރުސަތޭކަ އަކަށްވުރެ ގިނަ މީހުން މަރުވުމާ ގުޅިގެން، އެ އިހުތިޖާޖުތައް އިތުރަށް ގަދަވެ، އޭނާ މަޤާމުން ވަކިވުމަށް ގޮވާލުމާ ހަމައަށް ދިޔުމުންނެވެ.
ޕްރޮފެސަރ ޔޫނުސް ވަގުތީ ސަރުކާރުގެ ޗީފް އެޑްވައިޒަރުގެ މަގާމަށް ހަމަޖެއްސުމަށް ނިންމީ ރައީސް މުޙައްމަދު ޝަހާބުއްދީނާއި، ސިފައިންގެ އިސްވެރިންނާއި އަދި ދަރިވަރުންގެ ލީޑަރުންނާއެކު ބޭއްވުނު ބައްދަލުވުމަކަށް ފަހުގައެވެ. ދަރިވަރުން ވަނީ ސިފައިން އިސްވެގެން ހިންގާ ސަރުކާރެއް ޤަބޫލު ނުކުރާނެކަމަށާއި، ޕްރޮފެސަރ ޔޫނުސް އިސްވެ ހުންނެވުން ބޭނުންވާކަމަށް ސާފުކޮށް ބުނެފައެވެ.
ޕްރޮފެސަރ ޔޫނުސް، އަހަރުތަކެއް ވަންދެން ހިނގަމުން އައި އަމިއްލަވަންތަ ވެރިކަމަކަށް ފަހު ބަންގްލަދޭޝްއަށް ޑިމޮކްރަސީ އަނބުރާ ގެނެސްދެއްވާނެކަމަށް އުންމީދު ކުރެވެއެވެ.
"މީހުން ވަރަށް ފޮނި އުންމީދުގައި ތިބީ،" ބުރާސްފަތި ދުވަހު ފްރާންސްއިން ޑާކާއަށް ވަޑައިގަތުމަށްފަހު ބީބީސީއަށް ދެއްވި ކުރު އިންޓަވިއުއެއްގައި މި ވިޔަފާރިވެރިޔާ އަދި އިޤްތިޞާދީ މާހިރު ޔޫނުސް ވިދާޅުވިއެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
