އޮލިމްޕިކްސް: މޮންޑޯގެ ކެރިއަރުގައި ނުވަ ވަނަ ފަހަރަށް ޕޯލް ވޯލްޓުގެ ވޯލްޑް ރެކޯޑް މުގުރާލައިފި

މޮންޑޯ ޑޫޕްލާންޓިސްގެ ކެރިއަރުގައި ނުވަ ވަނަ ފަހަރަށް ޕޯލް ވޯލްޓުގެ ވޯލްޑް ރެކޯޑް މުގުރާލައިފިއެވެ.

ސްވިޑެންގެ މޮންޑޯ އޮލިމްޕިކްސްގެ ދުނިޔެ ސިއްސުވައިލީ މުގުރާ ނުލެވޭނެކަމަށް އެތައް ބަޔަކު ހީކުރި ޕޯލް ވޯލްޓުގެ ދުނިޔޭގެ ރިކޮޑު މުގުރާލަމުންނެވެ. އޭނާއަކީ މި ޖީލުގެ އެންމެ މޮޅު އެތުލީޓުންގެ ތެރޭގައި ހިމެނޭ މީހެއް ކަމުގެ އިތުރު ހެއްކެއް ބޭނުން ނުވިނަމަވެސް، މޮންޑޯ ދަނޑުމައްޗަށް ފިޔަވަޅު އަޅާ ކޮންމެ ފަހަރަކީ އެކަމުގެ ހެއްކެއް ދައްކުވާފައިނޫނީ ނުފައިބާ ފަހަރަކައްވުން އާދަވެއްޖެއެވެ.

ރޭ ފުރަތަމަ ފަހަރަށް 6.10 މީޓަރު ކްލިއާ ކޮށް ބްރެޒިލްގެ ތިއާގޯ ބްރާޒްގެ އަތުން އޮލިމްޕިކް ރެކޯޑް ނަގައި، ޑޫޕްލާންޓިސް ވަނީ ދުނިޔޭގެ ރެކޯޑަށް ލިބުނު ޝޮޓަކާ އެކު ދަނޑާއި ކުޅިވަރު އޭނާ ދައްކުވާލި ހުނަރުގެ އަޅުވެތިކަމަށް ގެނެސްފައެވެ.

އޭނާ މިފަހަރު މުގުރާލާފައިވަނީ އޭނާގެ އަމިއްލަ ރިކޯޑު އަދި އޭރުގެ ވޯލްޑް ރިކޯޑެވެ. އޭނާއަށް ފުންމަން ލިބުނު 3 ވަނަ ފުރުސަތުގައި އޭނާ ވޯލްޑް ރިކޯޑު ހިއްލާލާފައިވަނީ 6.25 މީޓަރަށެވެ.

3 ބުރުގެ ތެރެއިން ފުރަތަމަ ދެބުރު ނާކާމިޔާބީއާ ކުރިމަތި ލި ނަމަވެސް، އެންމެ ފަހު ފުރުސަތުގައި މުޅި ދުނިޔެ އަންތަރީސްކޮށްލުމަށްފަހު މޮންޑޯ ދުއްވައިގަތީ އޭނާގެ އާއިލާގައި ބައްދައިލާ އުފާފާޅުކުރުމަށެވެ.

އުމުރުން އެންމެ 24 އަހަރުގެ މޮންޑޯ އެންމެ ފުރަތަމަ ވޯލްޑް ރިކޯޑު މުގުރާލާފައިވަނީ 2020 ވަނަ އަހަރުގައެވެ. އޭގެ ފަހުން ރިކޯޑުތައް މުގުރަމުން މީގެ 3 މަސް ކުރިން ޗައިނާގައި އޮތް މުބާރާތުގައިވެސް ވޯލްޑް ރިކޮޑު މުގުރާލުމަށްފަހު މޮންޑޯ މީޑިއާއަށް ބުނެފައިވަނީ އެނާއަށް އަދި އެއަށްވުރެވެސް މައްޗަށް ފުންމިދާނެކަމަށެވެ. އަދި އޭނާ ވަނީ ރޭ އެކަން ސާބިތުކޮށްދީފައެވެ.