ފޮއްދޫ ސިއްހީ މަރުކަޒުގެ މަޝްރޫއު ރާވައިފައި އޮތީ ބޮޑު ހަރަދެއް ކުރަން ޖެހޭގޮތަށް: ޑރ.ހަލީލް
ނ. ފޮއްދޫ ސިއްހީ މަރުކަޒުގެ މަޝްރޫއު ރާވައިފައި އޮތީ ބޮޑު ހަރަދެއް ކުރަން ޖެހޭގޮތަށްކަމަށް ސިއްހީ ވަޒީރު ޑރ.އަބްދުﷲ ހަލީލް ވިދާޅުވެއްޖެއެވެ.
ވަޒީރު މިހެން ވިދާޅުވެފައިވަނީ ރައްޔިތުން މަޖިލީހުގެ އިއްޔެގެ ޖަލްސާގައި ވެލިދޫ ދާއިރާގެ މެންބަރު މުޙައްމަދު އައްބާސް ކުރެއްވި ސުވާލަކަށް ޖަވާބުދެއްވަމުންނެވެ.
ވަޒީރު ވިދާޅުވީ، ފޮއްދޫ އަކީ އާބާދީ މަދު ރަށަކަށް ވުމުން، އެހެން ރަށްތަކާއި ހިލާފަށް އެރަށާމެދު ކުރީ ސަރުކާރުން އިހުމާލުވެފައިވާކަމަށެވެ އެ ރަށަށް ލިބެންޖެހޭ އަސާސީ ހިދުމަތްތަކުން އެރަށުގެ ރައްޔިތުން މަހުރޫމުކޮށްލާފައިވާކަމަށް ވަޒީރު ވިދާޅުވިއެވެ.
ފޮއްދޫ ސިއްހީ މަރުކަޒުގެ މަސައްކަތަކީ އޭގެ މިސާލެއްކަމަށް ވަޒީރު ވިދާޅުވިއެވެ. އެ މަޝްރޫއުގެ ދަށުން ކޮންޓްރެކްޓު ކުރެވިފައިވަނީ ބޮޑު އަގެއްކަމަށާއި އެ އަގަކީ އެ މަސައްކަތާއި ނުބައްދަލު އަގެއްކަމަށް ވަޒީރު ވިދާޅުވެފައިވެއެވެ.
ސިއްހީ މަރުކަޒެއް ބިނާ ކުރުމަށްޓަކައި މިއީ ވަރަށް ބޮޑު އަދަދަކަށްވާތީއާ އެއްކޮށް ރީޑިޒައިން ކުރުމުގެ މަސައްކަތް އަޅުގަނޑުމެން ކުރިއަށް އެބަ ގެންދަންވަޒީރު ވިދާޅުވިއެވެ.
އަދި ރީ ޑިޒައިން ކުރުމުގެ މަސައްކަތް ނިމުމުން، ސިއްހީ މަރުކަޒުގެ އަމަލީ މަސައްކަތް ފެށިގެންދާނެކަމަށް ވަޒީރު ވިދާޅުވިއެވެ.
ތިލަފުށީ ލޭންޑް ފިލް ފުރި، ކުނި ގެންދަން އެހެން ސަރަހައްދެއް ހަމަޖައްސަނީ
މިއަދުގެ ދެވަނަ އެކްސިޑެންޓު: ދެ މީހަކަށް ފަރުވާ ދެނީ
އިންޑިއާއިން ހިތަދޫ ޕޯޓަށް 300 މެޓްރިކް ޓަނުގެ ކާގޯ
ގާނޫނު މުގުރަން މި ސަރުކާރުން ފުރުސަތެއް ނުދޭނެ: ނައިބު ރައީސް
