ކުޅުދުއްފުށީ ބޯޓް ޔާޑުގެ ހިދުމަތް މިމަހު ފެށޭނެ: އެމްޕީއެލް

ކުޅުދުއްފުށި ސިޓީގައި މޯލްޑިވްސް ޕޯޓްސް ލިމިޓެޑް (އެމްޕީއެލް)އިން ގާއިމްކުރާ ބޮޓްޔާޑުގެ ބޮޑު ބައި ނިމިފައިވާކަމަށާއި، ބޯޓްޔާޑުގެ ހިދުމަތް މިމަހު ދޭން ފެށޭނެކަމަށް އެމްޕީއެލްއިން މައުލޫމާތުދީފިއެވެ.

އެގޮތުން، ކުޅުދުއްފުށި ޕޯޓް ސަރަހައްދުގައި ގާއިމްކުރާ ބޯޓް ޔާޑުގެ މަސައްކަތުގެ ތެރެއިން މިހާރު 95 އިންސައްތަ މަސައްކަތް ނިމިފައިވާކަމަށް އެމްޕީއެލްއިން ބުނެފައިވެއެވެ. އަދި އެ މަސައްކަތް ބައްލަވައިލުމަށް އެ ކުންފުނީގެ ސީއީއޯ މުހައްމަދު ވަޖީހް އިބްރާހިމް ހުކުރުދުވަހު ކުޅުދުއްފުއްޓަށް ދަތުރުކުރައްވާފައިވެއެވެ.

އެ މަސައްކަތް ނިމޭއިރު އެ ބޯޓުޔާޑުގެ ބޮޑުމިނުގައި 15،000 އަކަފޫޓު ހުންނާނެކަމަށާއި މި ބޯޓްޔާޑުގެ ސަބަބުން މެރިޓައިމް ހިދުމަތަށް ބޮޑު ލުޔެއް ލިބިގެންދާނެކަމަށް އެ ކުންފުނިން ބުނެފައިވެއެވެ. އެގޮތުން މި މަސައްކަތުގެ ތެރެއިން މިހާރު ކުރިއަށްދަނީ ފިނިޝިންގް މަސައްކަތްތައް ކަމަށާއި، އެ މަސައްކަތްތައް ނިންމައި މިމަހު ހިދުމަތް ދެވޭނެކަމަށް އެ ކުންފުނިން ލަފާކޮށްފައިވެއެވެ.

އަދި މީގެ އިތުރުން، އެ ޔާޑުގައި ހިދުމަތް ދިނުމަށް މަސައްކަތައް ގާބިލު މުވައްޒަފުން ހޯދުމުގެ މަސައްކަތް ކުރަމުންދާކަމަށްވެސް އެ ކުންފުނިން މައުލުމާތުދީފައިވެއެވެ.

ރާއްޖެއަކީ ވަށައިގެން ކަނޑު އޮންނަ ގައުމަކަށް ވާއިރު ރާއްޖޭގައި މެރިޓައިމްގެ ހިދުމަތް ފުޅާކުރުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސިޔާސަތުތޭގައި ހިމަނުއްވާފައިވާ ކަމެކެވެ. އެ މަސައްކަތުގެ ތެރެއިން ކުޅުދުއްފުށީގައި ގާއިމްކުރާ ބަންކަރިންގްެ ހިދުމަތައް ބޭނުންވާ ޓަގް ބޯޓާއި ޕައިލެޓް ބޯޓު މިހާރު ވަނީ އެ ސިޓީއަށް ގެންގޮސްފައެވެ.