ދެވަނަ ކުއާޓަރުގައި 448 މިލިއަން ރުފިޔާގެ ސާފު ފައިދާއެއް ބީއެމްއެލަށް

މި ހިނގާ 2024 ވަނަ އަހަރު ދެވަނަ ކުއާޓަރުގައި 448 މިލިއަން ރުފިޔާގެ ސާފު ފައިދާއެއް ބޭންކް އޮފް މޯލްޑިވްސް (ބީއެމްއެލް) އަށް ލިބިފައިވާ ކަމަށް އެ ބޭންކުގެ މާލީ ހިސާބުތަކުން ދައްކައިފިއެވެ.

އެ ބޭންކުގެ މާލީ ހިސާބުތައް ދައްކާގޮތުގައި އޭޕްރީލް އަދި ޖޫން މަހުގައި 694 މިލިއަން ރުފިޔާ ހިންގުމުގެ ފައިދާގެ ގޮތުގައި ލިބިފައިވެއެވެ. މި އަދަދަކީ މިދިޔަ އަހަރުގެ މި މުއްދަތާއި އަޅާބަލާއިރު މިއީ 3 އިންސައްތައިގެ އިތުރު އަދަދެކެވެ.

އެ ބޭންކުން މިކަމާ ގުޅިގެން ނޫށްބަޔާނެއް ނެރިފައިވެއެވެ. މި ނޫސްބަޔާނުގައި ވަނީ ދެ ވަނަ ކުއާޓަރުގައި ވިޔަފާރީގެ މައިގަނޑު ހުރިހާ ދާއިރާއަކުން ވެސް ކުރިއެރުން ލިބުނު ކަމަށާއި ބޭންކުގެ ރައުސްމާލު ވެސް ގާނޫނުން ލާޒިމުކުރާ މިންވަރަށް ވުރެ މަތީގައި ހިފެހެއްޓިފައިވާ ކަމަށެވެ. އަދި އިންފްލޭޝަނާ ގުޅިގެން ޕްރެޝަރުތަކެއް ކުރިމަތިވި ކަމަށާއި އެހެން ނަމަވެސް ހިންގުމުގެ ހަރަދު ހިފެހެއްޓިފައިވާ ކަަމަށް ވެސް ބީއެމްއެލްގެ ނޫސް ބަޔާނުގައި ބުނެފައިވެއެވެ.

ބީއެމްއެލް އިން މި އަހަރުގެ ދެވަނަ ކުއާޓަރުގައި އާ ހިދުމަތްތަކެއް ތައާރަފްކޯށްފައިވެއެވެ. އެގޮތުން ތައާރަފްކުރި ބައެއް ހިދުމަތްތަކުގެ ތެރޭގައި ރާއްޖޭގެ ޝަރުއީ ހަމަތަކަށް ފެތޭ ކުރެޑިޓް ކާޑު އަދި ގެދޮރު އިމާރާތްކުރުމާއި މަރާމާތުކުރުމަށް ހޯމް ބިލްޑް އަދި ހޯމް އިކުއިޓީ ލޯނު ގެ އިތުރުން ބޭންކުގެ ސީއެސްއާރު ހަރަކާތްތަކުގެ ތެރެއިން 'ބޭންކް ފަންޑް'އަށް އެދި ހުށަހެޅުމުގެ ފުރުސަތު ހުޅުވާލާފައިވެއެވެ.

މީގެ އިތުރުން އެކުންފުނިން ވަނީ އެކުންފުނީގެ އުސްއަލިތައް ހިއްސާކޮއްފައެވެ. އެގޮތުން ހިއްސާކޮށްފައިވައިވާބައެއް އުސްއަލިތަކަކީ:

ދެ ވަނަ ކުއާޓަރުގައި 1.9 ބިލިއަން ރުފިޔާގެ އާ ލޯނު އަމިއްލަ ފަރުދުންނާއި ވިޔަފާރިތަކަށް ދޫކުރި؛ ފުރަތަމަ ހަ މަސްދުވަހުގެ ޖުމްލައަކީ 2.8 ބިލިއަން ރުފިޔާ

ދެ ވަނަ ކުއާޓަރު ނިމުނުއިރު ޖުމްލަ އެސެޓުތައް ހުރީ 44.9 ބިލިއަން ރުފިޔާގައި

ކަސްޓަމަރުން ބޭންކުގައި ފައިސާ ރައްކާކޮށްފައިވާ އަދަދު: 29.5 ބިލިއަން ރުފިޔާ
ޕްރޮވިޝަން ކަވާ ހުރީ %100ގައި